7-август, 1939-жылы 1937-жылкы Кыргызстан КП (б) БКнын I съездине шайлангандар толугу менен калк душмандары аталып, сот жообуна тартылышкан

Кыргызстандын ички иштер боюнча элдик комиссары И.П.Лоцмановдун берген көрсөтмөсүнө ылайык, 1937-жылкы Кыргызстан КП (б) БКнын I съездине шайлангандар толугу менен калк душмандары аталып, сот жообуна тартылышкан. "Үчилтик" аталган партиялык жазалоо органы тарабынан 5110 адам соттолгон. Ал эми Четвертаков жана Лоцмановдун тушунда Кыргызстанда 7610 адам жазаланып, алардын көбү атылып, айрымдары дайынсыз жоголуп кеткен.  (86 жыл мурун)