4-февраль, 1949-жылы балет бийчиси Чолпонбек Базарбаев туулган

1966-1993-жылдары А.Малдыбаев атындагы Кыргыз мамлекеттик академиялык опера жана балет театрынын солисти, кийин генералдык директору, ал эми 1993-1996-жылдары Кыргыз Республикасынын маданият министри, 1996-жылдан тартып Кыргыз Республикасынын билим берүү, илим жана маданият министринин 1-орун басары, ошол эле учурда 1987-жылдан Кыргыз театр ишмерлер союзунун президенти болуп иштеген.

Базарбаев улуттук жана классикалык бийдин техникасын мыкты өздөштүрүү менен балет спектаклдеринде ар кыл мүнөздөгү образдарды психологиялык жактан терең ачып берген. Чолпонбек Базарбаев Кыргызстан Ленин комсомолу (1977), Эл аралык “Мин Ои” (Япония, 1995), Эл аралык Ч.Айтматов атындагы сыйлыктардын лауреаты. Ал 2002-жылдын 2-сентябрында автокырсыктан көз жумган.