Шоумен Турсынбек Кабатов мурдагы жубайынын маегинен кийин билдирүү таратты

Белгилүү казакстандык куудул, шоумен Турсынбек Кабатов мурунку аялынын резонанс жараткан маегинен кийин билдирүү таратты.

Ал балдарын телефондо эч качан "кара тизмеге" салбаганын, ошондой эле ар дайым алар менен байланышта болуп жүргөнүн жазды.

"Ардактуу туугандар, мен балдарымды эч качан блокко салган эмесмин жана мен балдарым менен биргемин. Жакшы көрөм. Ушул күнгө чейин балдарым үчүн эмгек кылып келгем, дагы да эмгектенем. Кудайым баарыңыздарга ден соолук берсин",- деп жазды ал Инстаграм баракчасына.

Кабатов жеке жашоосу боюнча башка маалымат берген эмес.

Эске салсак, Кабатовдун мурунку жубайы Молдир Муканова Ютуб каналга интервью берип, жеке жашоосундагы окуяларды сөз кылган. Анда Турсынбек Кабатовдун 14 жылдан бери экинчи аялы бар экендигин, ага карабастан Муканова үй-бүлөсүн ушул убакытка чейин сактаганын айткан. Ошондой эле, учурда 5 баласы менен атасы сүйлөшпөй, алардын телефон номерлерин "кара тизмеге" киргизгенин ыйлап айтып берген.