Ырчы Мирлан Баековдун “Туулган жер” аттуу ырынын клиби жарык көрдү

Ырчы Мирлан Баековдун “Туулган жер” аттуу ырынын клиби жарык көрдү. Бул тууралуу ырчы бүгүн, 31-январда SUPER.KG порталына билдирди.

Ырчынын айтымында, сөзү Талас Кашкариевге, ал эми обону Эдил Маматовго таандык чыгарма өткөн жылдын соңку айларында жаралган. “Бул Мухтар Атаналиев тарткан “Мигрант” тасмасынын саундтреги. Ал киши мага сунуш киргизип, ушул чыгарманы аткарып калдым. Ноябрь айында тоого чыгып, айрым кадрларын тартканбыз”,- дейт ырчы.

Андан тышкары “Кызыл өрүк” атка конгон ырчы “Токтогул” деген эски чыгарманы жаңыча ырдап чыкты. “Жакында “Супер-Инфо” гезитинин жана SUPER.KG порталынын кызматкерлери менен Токтогулга болгон сапарда туулган жерге өзгөчө суктандым. Ошондон таасирленип, ушул ырды жаздырдым” деп кошумчалады.