Сагынычым улам сага артылып,
Эңсеп келем, чексиз сүйүү артынып.
Алыс жүрсөм аппак тоолор элестейт,
Көз алдымда сен турасың тартылып.

Тунук булак кыз күлкүсү угулат,
Жашоо өмүр бир өзүңдөн куюлат.
Бүт мейкиндик жашыл килем жамынып,
Элим бүгүн гүлдөп-өсүп баратат.

Кайырма:
Асманда нурлар чачырап,
Мөл булак тоодон ашыгат.
Ажайып кооздук биз жакта, кооздук биз жакта,
Ата Журтум, Ата Журтум,
Ата Журтум гүлдө ар убак.

Таазим этем бир өзүңө баш уруп,
Ата Журтум алтын бешик, аты улуу
Салкын аба, атыр желдин жыты аңкыйт
Сенде баары сөз жетпеген сулуулук.

Кайырма:

Каалайсыңбы мен шүүдүрүм болоюн,
Көз жашыңдай мөлт деп чөпкө кулаган.
Үшкүрүктү шамал кылып коёюн,
Үлбүрөтүп саамайың сылаган.

Кайырма:
Не кааласаң ошолоруң болоюн,
Асман, жериң, күнүң, айың, шамалың.
Суранарым кыйыны да оңоюн,
Сүйөм деген жалгыз сөзгө жарагын.

Каалайсыңбы сен уктасаң ийилип,
Көлөкөлөп талың болуп өсөйүн.
Ошончолук канча болсо тирүүлүк,
Өзүң менен бир жашап өтүйүн.

Кайырма:
Не кааласаң ошолоруң болоюн,
Асман, жериң, күнүң, айың, шамалың.
Суранарым кыйыны да оңоюн,
Сүйөм деген жалгыз сөзгө жарагын.

Тагдырдан жалынып мен сурап келген,
Эңсеп келген кыялымды берчи дегем.
Жан дүйнөм куса болуп ооруп келет,
Кайрылып келчи асыл эркем.

Кайырма:
Асыл эркем кайрылып келчи,
Жан биргемден мен айрылдым.
Жүрөк ыйлап, жаным сыздап,
Кала бердим өмүрүмдүн кемесин жалгыз айдап.

Күтүп келем мен күтүүдөн тажабай,
Жүрөгүм сыздап келет кумарым канбай.
Жашоонун кызыгы жок ишенгин, ишенгин сен,
Кайрылып келчи асыл эркем.

Кайырма:
Асыл эркем кайрылып келчи,
Жан биргемден мен айрылдым.
Жүрөк ыйлап, жаным сыздап,
Кала бердим өмүрүмдүн кемесин жалгыз айдап.

Кайырма:
Аппаксың, ай менен эгиздей,
Көздөрүң көгүлтүр деңиздей.
Сени менен бул жашоо керемет,
Сени менен телегей тегиздей.

Мен сени ай менен күнгө теңедим,
Ааламга тегиз жарыгын чачкан.
Бербейм сага сүйүүмдү жаралуу жандай,
Артыңдан калбай, алыстай албай.

Карашың жаныма канат,
Күлгөнүң баарына жагат.
Жагымдуу жароокер жаздай,
Кирпигиң күн шоола беле?
Жалтанам кароодон неге?
Жашоодо сен гана бардай.

Кайырма:
Аппаксың, ай менен эгиздей,
Көздөрүң көгүлтүр деңиздей.
Сени менен бул жашоо керемет,
Сени менен телегей тегиздей.


Бербейм жаным башкага мен сени,
Азапты андай салбагын мага.
Карап койчу жарк этип дагы бир жолу,
Сыртыңды салбай, жаным садага.

Кайырма:
Аппаксың, ай менен эгиздей,
Көздөрүң көгүлтүр деңиздей.
Сени менен бул жашоо керемет,
Сени менен телегей тегиздей.