Жалгыз ак куу көрдүм өзөн четинде,
Жалгызырап сүзөт көлдүн бетинде.
Күз келгенде бөтөн куштар топтолду,
Үйрү менен жылуу жакка кетүүгө.

Кайырма:
Аянычтуу аппак куунун калганы,
Айсыз түндө азап күүсүн чалганы.
Дүнүйөдө жалгыз калмай экен го,
Ак куулардын, ак куулардын арманы

Кыш келгенче кайра учуп кетерде,
Жабыркабай өз тобуна жетерде,
Ким ойлоптур сулууларды өмүрдөн
Жалгыз, жалгыз өтөр деп.

Кайырма:

Сен өзү кандайсың, айтканды укпайсың
Күндүз да, кечке уктайсың.
Мен айтсам эжеке түшүнө албайсың,
Жаштыкты неге сындайсың.
Дос менен кызыктуу ар бир саатым,
Жаштыгым жалынын чачсын.
Ай иним достор деп жүрө берсең сен,
Үй-бүлө качан курасың?

Кайырма:
Кыздарды тааныштыр эже,
Мен сага жеңе эмесмин.
Мен тапсам жакпаса сизге,
Инимдин тапканын жаман дебесмин.
Иним оо, шам чыгарымсың,
Эжекем сен да бактымсың.
Суранам өз жарың тапчы,
Ниет бар шаштырба, жүрөк жактырсын.

Сен өзүң барбасаң алар билишпейт,
Жөн эле үмүт беришпейт.
Мен айтсам эжеке түшүнө албайсың,
"Үйлөн деп" неге кыйнайсың.
Мен жашмын кызыктуу, бойдок күндөрүм,
Бир күнү мен да сүйөрмүн.
Курагың жыйырма бешке келсе да,
Ойлонбой неге жүрөсүң?!

Кайырма:

Жашоо жакшы жер басып күн көрсө адам,
Кудайдын бул дүйнө деген гүл багында
Бул жашоонун кумарына канып-канбай,
Кербен сымал келет адам, кетет кайра
Ушундай экен, айтың достор
Неге эми ырдабайлы сиздер үчүн.

Кайырма:
Жолугушабыз, жолугушабыз, жолугушабыз,
Ширин арзуу, үмүттөргө чулганалы.
Кетер дүйнө көңүлдөрдү капалантпай,
Чын жүрөктөн сагынышып жолугалы.

Бул дүйнөнүн өмүр деген дайрасында
Учат күндөр, ай-жылдарга алмашып.
Жакшы адамдар көп болгула арабызда,
Жакшы сөзүн айтып көңүл кубандырган.
Ушундай экен, айтың достор
Неге эми ырдабайлы сиздер үчүн.

Кайырма:

Аралап махабаттын багына,
Ашыгым келип калдым жаныңа
Акактай сезим менен сүйдүрүп,
Айландың жан дүйнөмдүн барына.

Кайырма:
Өзүңө арнайын, өмүрдүн бар шаңын,
Өзгөчө сүйкүмдүү, жан эркем ардагым.
Кыялым эңсеген, кымбатым сен белең
Бакыттын багында эркелеген.

Өзүңө сылаттырып саамайым,
Өмүрдүн таптым бакыт-таалайын.
Кыялым кыналышып эх, чиркин
Кылымга сендик болуп калайын.

Кайырма:

Бирге жүрдүк бир далай,
Ал күндөрүм жыргал, ай.
Азыр жоксуң жанымда, сен,
Эңсеп жүрөк, кыйналам.
Бирге жүрүп кетип калдың,
Айла канча, арман, ай.

Кайырма:
Айланайын каралдым,
Кайсы күнү жаралдың?
Жүрөгүмдү эзип кеттиң,
Эми жоксуң, кайдан табам, ай?
Арман, арман, арман, ай.

Өмүр гүлү, жан эркем,
Жаштык болот турбайбы.
Ойноп-күлгөн бул күндөр, ай,
Аздык болот турбайбы.
Жалындаган жаш өмүрдү,
Жараткан, оо, ал бир келсе,
Өтпөй-кетпей турган кылбайбы.

Жалындаган жаш күндөрүн,
Кимдер гана эңсебейт?
Кайрылып ким,
Ал күндөр деп кимдер сүйүп, аны эңсебейт?
Арман, арман, арман, ай.

Бирге жүрдүк бир далай,
Ал күндөрүм жыргал, ай.
Азыр жоксуң жанымда, сен,
Эңсеп жүрөк, кыйналам.
Бирге жүрүп кетип калдың,
Айла канча, арман, ай.

Кайырма:

Кечеги эле эрке кызым, секелек,
Бой жеткенин байкабай да, калыпмын.
Мезгил келип үйдөн канат какканда,
Ичим тыз деп туз сепкендей ачышты.

Кайырма:
Ак куу болуп түгөйүңду жандагын,
Ардактасын арзып алган ардагың.
Үйдүн куту аял болот билип жүр,
Бакыт кушун учурбастан кармагын.

Теңиң таап, турмуш жолго аттандың,
Кубансам да, жүрөк турду күйүгүп,
Көздөрүмдөн мончок-мончок жаш тамды,
Бакыт тилеп, ичтен турдум сүйүнүп.

Кайырма:

Сен аттанган, ак жолтойлуу босого,
Ыраазы бол садагасы ошого.
Тагдыр буйруп, бешенеңден тап кызым,
Жарың менен жанып турсун жылдызың.

Өзүңдү өмүр бою күткүм келет,
Ыр болуп жан дүйнөмө бүткүм келет.
Жашоодо жарык күнүм бардыгына,
Кубанып бул дүйнөдөн өткүм келет.

Багдырап сен тарапка баргым келет.
Багынтып жүрөгүңдү алгым келет.
Айтпаган эч бир жанга сырларымды,
Ардагым жалгыз сага ачкым келет.

Бакытка өзүң менен толгум келет,
Куш болуп гүл багыңа конгум келет
Ыр болуп, күүгө салып жүрөк кылын,
Түбөлүк өзүң менен болгум келет.
Түбөлүк өзүң менен калгым келет.

Мүрөктүн суусу болсо, берер элем,
Картайбас болуп апа, ичер белең.
Жашартып жаратканым берсе эгер,
Бүт болгон байлыгымдан кечер элем.

Кайырма:
Ааламдын алпы болуп жаралсам да,
Бир жолку азабыңды чечер белем.
Сан жеткис түйшүгүңдү өзүм алсам,
Апакем кадырыңа жетер белем?

Даарысын өлбөстүктүн тапсам эгер,
Жүзүңдү бырыштардан сактар белем.
Дүйнөнү төрт айланып, көтөрсөм да,
Апакем ак сүтүңдү, актаар белем?

Кайырма:

Мен сүйсөм да, сен сүйбөйсүң, Тумарым,
Түнкү шамдай өчүп барат ыраңым.
Таш боор белең, жүрөгүңдө мээрим жок?
Аясаңчы, аясаңчы, менин сүйгөн Тумарым.
Тумарым, ай-ай, Тумарым.
Аясаңчы, менин сүйгөн Тумарым.

Жүрөгүмдөн кайнап чыккан махабат,
Күндөн-күнгө кайгы-капа жаратат.
Сенин атың, сенин сүйкүм элесиң,
Жүрөгүмө тумар болуп кадалат.
Тумарым, ай-ай, Тумарым,
Жүрөгүмө тумар болуп кадалат.

Ар убакта көз алдыма келесиң,
Неге мени тооруп алды элесиң?
Байкасаңчы мемиреген деңиздей,
Сүзүп жүргөн үмүтүмдүн кемесин.
Тумарым, ай-ай, Тумарым.
Сүзүп жүргөн үмүтүмдүн кемесин.

Кирдетип коёмбу деп,
Кичине колум жетсе.
Туу туткан махабатым,
Тура бер күйүп көктө.

Кайырма:
Маңдайга жазганымсың,
Тагдырдан тапканымсың.
Булутсуз асманымсың,
Бүтпөгөн дастанымсың.

Бактыма келген дүйнө,
Бир гана сен деп жүрөм.
Кол жетпес бийигим да,
Бир гана сен деп билем.

Кайырма:
Маңдайга жазганымсың,
Тагдырдан тапканымсың.
Булутсуз асманымсың,
Бүтпөгөн дастанымсың

Үмүттүн ак таңы сен,
Жүрөктүн тапканы сен.
Суранам бир өзүңдөн,
Өтпөсүн өмүр текке.

Кайырма:
Маңдайга жазганымсың,
Тагдырдан тапканымсың.
Булутсуз асманымсың,
Бүтпөгөн дастанымсың.

Дербиштей дүйнө кезип,
Көксөгөн жарым кылым.
Кыйырыңа көзүм жетпес,
Бакыттын даамы сендей.

Кайырма:
Илебиң эс тандырган,
Жүрөккө от жандырган.
Тирүүлүк баары сендей,
Жашоонун шаңы сендей,
Сүйүүнүн даамы сендей,
Баары сендей.
Тирүүлүк баары сендей,
Жашоонун шаңы сендей,
Сүйүүнүн даамы сендей,
Баары сендей.

Төрт мезгил карек салып,
Күн-түнү шыбырт тыңшаар.
Эзилип жол караган,
Күтүүнүн даамы сендей.

Кайырма:
Илебиң эс тандырган,
Жүрөккө от жандырган.
Тирүүлүк баары сендей,
Жашоонун шаңы сендей,
Сүйүүнүн даамы сендей,
Баары сендей.
Тирүүлүк баары сендей,
Жашоонун шаңы сендей,
Сүйүүнүн даамы сендей,
Баары сендей.