Көңүлүм ооруп, көңүл соолуп,
Жабыркап дүйнөм жалгыздык тооруп
Жүргөндө жадап кусага толуп,
Сен келдиң мага ак жарык болуп.

Кайырма:

Ашыгым менин арзыган теңим,
Арначы мага ак сүйүү кебин
Сүйдүргөн менин сүйүктүү демим,
Сүйлөчү мага сүйүүнүн кебин.

Өзүңдү таппай өзгөлөр жакпай
Өткөрдүм далай өмүрдү актай,
Капилет келип, кар дүйнөм эрип,
Жарыгың чачтың жылуулук берип.

Кайырма:

Бешенеме бүтпөгөнсүң жүрөгүмө бүтүп калыпсың,
Күлкүңдү эстеп күндө сенин.
Алигиче таңдайымдан,
Даамы кетпейт кызыл алманын.

Кайырма:
Алма, алма, кызыл алма.
Жегин деп мен берсем сага,
Тең болсун жеп экөөбүзгө,
Бөлүп койдуң эки кесим алманы сен.
Алма, алма, кызыл алма,
Тең бөлүндү мага, сага.
Чылап ширин жылмаюуңа,
Бердиң анын жартысын мага.

Насибиңди бөлүшкөнгө,
Турду ичимден мээрим төгүлүп.
Билбептирбиз анда экөөбүз,
Көп өтпөстөн жарты алмадай,
Каларды биз эки бөлүнүп.

Кайырма:

Бешенеңе бүтпөгөнмүн,
Жүрөгүңө бүтүп калганмын.
Улутунуп сен да мени,
Көп эстерсиң, сагынарсың,
Көргөн сайын бүтүн алманы.

Кайырма:

Ооруп калды деп угуп капысынан,
Узак болуп күндүн да батышы улам.
Ойлор кечип отурдум өмүр тилеп,
Жол түшсө деп ак таңдын атышынан.

Кайырма:
Ооруу сизден адашсын болуп алыс,
Жакшылыкта жадырап жолугабыз.
Жарык дүйнө бардыгын эске салчы,
Оорусаңыз таарынам, оорубаңыз...

Сиз мен үчүн сыйлуусуз, эбегейсиз,
Балким буга түшүнбөй неге дейсиз.
Ак жүрөктүү асылдар аз болушат,
Сиздей таза, кадамын ченебей түз.

Кайырма:

Билбейм неге мен сизди аяп турам,
Амандыкты чакырып канаат кылам.
Бийиктикке сиз турган шаты коюп,
Бийлик кылып биз сезим баратты улам.

Кайырма:

Көктөгү айсың, бүтпөгөн ойсуң,
Кайдасың, жаным, неге сен көрүнбөйсүң?
Сени издеди бул жүрөк,
Кайда жүрдүң, менин асыл сүйгөнүм?

Кайырма:
Сени, сагындым, сени,
Сыздады жүрөк.
Жанымдын эми,
Сагындым сени.

Ичимде муңдуу, сүйөсүң кимди?
Бакытым менин, тилеймин амандыгыңды.
Бар жакшыны сен деймин,
Сенден башка эч кимди мен көрбөймүн.

Кайырма:

Кызарып күн батты,
Турду менин айым.
Эңсеймин, толгоном,
Менин сүйгөн жарым.

Кайырма:
Көп жылдар күтөм сени,
Эске алып айлуу түндү.
Көрүнүп кой, жылдызым, сүйгөнүм.

Агарып таң атты,
Турду менин айым.
Дайыма жүрөктө,
Менин сүйгөн жарым.

Кайырма:

Убакыт зымырайт,
Сезимди азгырып.
Муңканып жүрөмүн,
Кайгыга алдырып.

Түнөрбөгөн ынагым, ай ынагым,
Күн кезиккен себепсиз.
Бакытка, күйүткө, ай күйүткө,
Биз экөөбүз себеппиз

Кайырма:
Түгөйүм, ай түгөйүм,
Жаз гүлүндөй гүлдөгүн.
Беш күндүк бул дүйнөдө,
Балын ичели өмүрдүн.

Шерик болгун өмүр,
Муз салбагын көңүлгө.
Тирөөч болуп өрүүдө,
Орток болгун өмүрдө.

Кайырма:

Келди бизге жылуулук,
Өчүрүп аны албайлы.
Жаман өттү өмүр деп,
Өксүүдө биз калбайлы.

Кайырма:

Суктанам, суктанамын,
Жапжашыл айланага.
Укмуштай жаз көркөмү,
Теңелбейт сага гана.

Кайырма:
Тартынбай бери карап күлчү, жаным,
Бек кучактап жүзүмдөн сүйчү, жаным,
Түбөлүк күлгүн болуп жүрчү, жаным.

Аралап жаш шиберди,
Келесиң сен жаныма.
Сезимиң уялыңкы,
Сезилет мага гана.

Кайырма:

Аксаткындын селкинчек,
Андай теппей мындай теп.
Бурулчанын селкинчек,
Бурбай теппей мындай теп.

Ойноп,ойноп алгыла,
Ойрон калаар бул дүйнө.
Күлүп,күлүп алгыла,
Күмүрөң калаар бул дүйнө.

Кайырма:
Жашыл жоолук дүрдөй жан,
Жаңы ачылган гүлдөй жан.
Кызыл жоолук дүрдөй жан,
Кыз-келиндер гүлдөй жан.

Бурулчанын селкинчек,
Бурбай тепчи келинчек.
Сүйүмкандын селкинчек,
Сүйлөп тепчи келинчек.
Биз болбосок өмүрдө,
Кызыгы жок кыздар ай.
Тамылжыган жүзүңдүн,
Кызылы жок кыздар ай.

Кайырма:

Аксаткындын селкинчек,
Андай теппей мындай теп.
Бурулчанын селкинчек,
Бурбай теппей мындай теп.

Селкилердин колунан
Секин кармап алабыз,
Түн уйкудан ойготуп
Сарсанаага салабыз

Кайырма:

Өзүңдү сүйүп жүргөн, ай,
Бир эмес, көптү билем.
Көзүңдөн күйүп жүргөн, ай,
Жалындуу отту билем.

Жазылган маңдайыма сени,
Кемибес бак деп билем.
Тапканга бир өзүңдү,
Шүгүр деп жашап келем.

Кайырма:
Мен сени жылдыз эмес да,
Жаркыган ай деп билем.
Күз эмес, сары жандуу,
Көлкүгөн жай деп билем.
Сен мага учканды үйрөттүң,
Тордогу булбул элем.
Сүйүүнү тутканды үйрөттүң,
Күдүкчүл бир муң элем.

Мен сени бул өмүрдө,
Түгөнбөс ыр деп билем.
Төгүлгөн төбөмдөгү, ай,
Эң жылуу нур деп билем.

Өзүңдү өмүрүмдүн, ай,
Сакчысы, эр деп билем.
Айымды аяй билген, ай,
Эң айкөл шер деп билем.

Мейли тагдыр мага башың ийбегин
Мейли тагдыр мага жарык тийбегин
Бул жашоомдо жүрсүн жарык күн тийип, ай,
Медер туткан ата-энеме тийбегин.

Мейли тагдыр сыйлыгыңды бербегиң
Байлыгыңды маңдайыма илбегин.
Андан өткөн мага бакыт, байлык жок, ай,
Суранаарым жакыныма тийбегин.
Түбөлүктүү досторума тийбегин.

Мейли тагдыр айткан тилди албагын
Башка согуп, ташка согуп алдагын.
Жашайт дайым, өчпөс кылып түбөлүк, ай
Жүрөктөгү сүйүүмө чек салбагын,
Жалгыз гана ак сүйүүмө тийбегин.

Мейли тагдыр өкчөп-калчап бийлегин
Мейли тагдыр камыр кылып ийлегин
Мен өзүңдөн башка нерсе сурабаймын
Медер туткан эл журтума тийбегин.