Ошто "төрт жарым жашар кызга карата сексуалдык мүнөздөгү ыплас аракеттерди жасаган" деп шектелип 17 жаштагы бала кармалды

Ошто "төрт жарым жашар (алгач кыздын үч жашта экени маалымдалган эле) кызга карата бир нече жолу сексуалдык мүнөздөгү ыплас аракеттерди жасаган" деп шектелип 1997-жылы туулган бала кармалды. Маалыматты SUPER.KG порталына 9-июлда Ош ОИИБинин басма сөз кызматы тастыктады.
Айрым маалымат булактары: "Төрт жарым жаштагы кыздын ата-энеси кызынын жыныс мүчөсү шишип, кызарып кеткенин көрүшкөн. Ооруканага алып барышканда кичинекей кыздын 5-6 жолу зордукталганы аныкталган. Шектүү катары жабырлануучунун коңшусунун уулу, 1997-жылы туулган Б.Ж. кармалган. Ал 20 күндөн бери кызды зордуктап келгени белгилүү болгон. Ата-энеси кызын көчөдө ойноп жатат деп жүргөн убакта шектүү жабырлануучуну адам жок жерге алып барып зордуктап келген",- деп жазып чыгышты.
Ал эми Ош ОИИБинин басма сөз кызматы: "Факт боюнча кыздын денесиндеги жараатын аныктоо максатында соттук-медициналык экспертиза дайындалды. Кылмышка шектүү катары кармалган Ош шаарынын 17 жаштагы тургуну убактылуу кармалуучу жайга киргизилди. Ал суракта бир нече жолу кичинекей кызга карата сексуалдык мүнөздөгү зомбулуктарды жасап жүргөнүн моюнуна алды. Кыздын зордукталгандыгы же зордукталбагандыгы соттук-медициналык экспертизанын жыйынтыгында белгилүү болот",- деп билдирди.