Супер-Инфо
super.kg видео
Сот айыпталуучу Омарды 1 айга камакка алуу чечимин чыгарды, ырчынын абалы начарлап ооруканага түштү
Алдамчылык боюнча айыпталган ырчы Омар (Өмүрбек Жанышев) бир айга камакка алынды. Бул тууралуу бүгүн, 29-июлда Ички иштер министрлигинен SUPER.KG порталына билдиришти.
"Тиешелүү чечимди Талас райондук соту кечээ, 28-июлда чыгарган. Бирок чечим чыккан соң Омардын ден соолугу начарлап, аймактык ооруканалардын бирине "Тез жардам" кызматы аркылуу жеткирилген",- дешти Ички иштер министрлигинен.
Эскерте кетсек, 27-июлда ырчы Омар кармалып, Талас облустук ички иштер башкармалыгынын убактылуу кармоочу жайына киргизилген. Бул боюнча анын менеджери Миргүл Эсеналиева: "Омар алдамчылыкка барчу адам эмес, анын кармалышы "подстава” болуп калды. Ал беш маал намаз окуйт, андай ишке эч качан барбайт. Эгер Омар качып жүрсө, анда ал Таласка келмек эмес. Азыр жактоочуну күтүп жатабыз. Окуянын чоо-жайы такталып жатат",- деп билдирген.
Ал эми ИИМ: “Милицияга Талас районунун тургуну 6-апрель айында кайрылып, "Бакай-Ата районунун тургуну Нуржанбек Токтогулов жана Өмүрбек Жанышев 40 тонна төө буурчак алып, акчаны бербей жатат" деп билдирген. 16-апрель күнү алдамчылык боюнча кылмыш иши козголуп, иликтөөдө аталган жарандардын ишкерден көп көлөмдө төө буурчак алышканы аныкталган. Мындан улам 21-июль күнү Нуржанбек Токтогулов кармалып, Талас облустук ички иштер башкармалыгынын убактылуу кармоочу жайына киргизилген. Ал эми 27-июль күнү Өмүрбек Жанышев Талас райондук ички иштер бөлүмүнө чакыртылып, жактоочунун катышуусунда суракка алынган. Андан соң протокол түзүлүп, Жанышев камакка алынган. Учурда бул факт боюнча тергөө амалдары жүрүүдө”,- деген билдирүү таратты. Кечээ, 28-июлда ырчыны колдогон чыгармачыл адамдар Талас райондук сотуна кат жолдошкон. Алардын арасында КРнын Эл артисти Гүлнур Сатылганова, ырчы Нурлан Насип, алып баруучулар Нурзат Токтосунова, Эркин Рыскулбеков жана башка 50гө жакын чыгармачыл адам бар. Катта “Омардын эч жакка качпашына биз кепил болуп беребиз, аны эркиндикке чыгарууну суранабыз” деп жазылганы айтылган.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
18:34
2025-07-02
18:15
2025-07-02
15:08
2025-07-02
Рейтинг: 
2
2
Башка колдонуучуну кемсинтүүдөн алыс болуңуз!
Андыктан менин Омарга айтаарым,жашоодо мындан кыйын да кчурлар болушу мумкун.Эн жакшысы бул убака чейин сен жонундо жалан жакшы гана создор болгон, и мындан ары да сени дагы деле жакшы коргон бойдон калабыз,эч качан чокпо уулум!!!