Футболчу Криштиану Роналду "Реалдын" жетекчилигине: "Же мен кетем, же машыктыруучу Рафаэль Бенитес кетсин!"

Испания чемпиондугунун 12-турунда мадриддик "Реал" өз үйүндө каталондук "Барселонага" 0:4 эсебинде утулуп калды. Бул оюндан кийин "Барса" атаандашынан 6 упай алдыга озуп кетти. Учурда бул оюн боюнча түрдүү пикирлер айтылууда. Айрымдар жеңилүүнүн башкы себеби катары "Реалдын" оюнчуларынын оюнга тиешелүү маанайда чыкпаганын айтса, көпчүлүк башкы машыктыруучу Рафаэль Бенитести күнөөлүү деп эсептеп жатат.

Ал ортодо чет элдик маалымат булактары Криштиану Роналдунун дагы жеңилүүгө Рафаэль Бенитестин себепкер экенин айтканын жазып чыгышты. Андагы маалыматка таянсак, Роналду беттештен кийин "Реалдын" президенти Флорентино Перес менен жолугуп, машыктыруучуну жумуштан кетирүүнү талап кылган. Роналду "Же мен клубдан кетем, же Бенитес кетсин!" деген.