Фарида Карбосованын “Туткундун тузагынан бошойт белем...” аттуу ырынын клиби жарык көрдү

Ырчы Фарида Карбосованын “Туткундун тузагынан бошойт белем...” аттуу ырынын клиби чыкты. Ырдын сөзү Болот Рысбековго, обону Сабатар Исаковго таандык. “Ырды биринчи жолу укканда эле клип тартууну чечтим. Анткени сөзү мага аябай жакты. Өзүмө да ылайыктуу. Ал эми клиптин маңызы тууралуу айта кетсем, анда ашык болгон адамын сагынып, бук болуп күткөн кыз тууралуу баяндалат”,- дейт ырчы айым. Айта кетсек, жакында ырчынын “Жалгыздык” жана “Бир көргөндө сүйүп калдым” аттуу ырлары да чыгат.