Жер шарын айланып чыкмакчы болгон Союзбек Салиев жеңил учагын алып келүү үчүн Францияга кетти

Жер шарын жеңил учак менен айланып чыкмакчы болуп жаткан Союзбек Салиев Францияга жөнөп кетти. Ал жакта анын жеңил учагы өлкөлөрдү кыдырууга ылайыкталып даярдалып жаткан. Жакынкы күндөрдө учакты алып кыргыз мамлекетине келет. Бул боюнча Союзбек Салиевдин санаалаштары SUPER.KG порталына бүгүн, 21-июнда билдиришти.

Эске салсак, Бишкек шаардык кеңешинин экс-депутаты, учкуч Союзбек Салиев Кыргыз Республикасынын эгемендүүлүгүнүн 25 жылдыгына карата Жер шарын жеңил учак менен айланып чыкмакчы болуп жатат. “27 өлкөгө эгемендүүлүк алганыбызга 25 жыл болгонун сүйүнчүлөйүн деп жатам", - дейт ал.

Белгилей кетсек, түрк тилдүү элдердин арасында мекендешибиз биринчилерден болуп Жер шарын жеңил учак менен айланып учмакчы болуп жатат. 10-июлда Союзбек Салиев Токмоктогу аэродромдон учуп чыгат.