Чек ара кызматы Өзбекстанда кармалып турган 4 кыргыз жаранынын аты-жөнүн жарыялады

Кыргыз Республикасынын Чек ара кызматы учурда Өзбекстандын Ички иштер бөлүмүндө кармалып турган 4 кыргыз жаранынын аты-жөнүн жарыялады.

Төмөнкү жарандар кармалган:

1. Абдумиталип Урманов - "Кербен" 24-радиостанциясынын Түштүк башкармалыгынын нөөмөт башчысы;
2. Урмат Бердалиев - "Кербен" 24-радиостанциясынын Түштүк башкармалыгынын оператору;
3. Жеңиш Ташматов - "Кербен" 24-радиостанциясынын Түштүк башкармалыгынын оператору;
4. Нурбек Усупбаев - "Кербен" 24-радиостанциясынын Түштүк башкармалыгынын узатуучусу.

Эске салсак, Үңкүр-Тоого учак менен түшүрүлгөн өзбек милиция кызматкерлери 4 кыргыз жаранын кармап кетишкен. Учурда жарандарды кайтарып алуу боюнча сүйлөшүүлөр жыйынтыксыз болууда.

"Биз өзбек тарапка кат жибердик, азырынча жооп боло элек", - дешти Чек ара кызматынын басма сөз кызматы.