Ошто милициянын кашын жара тепкен ырчы кыз үй камагына чыгарылды

Ошто милициянын кашын жара тепкен ырчы кыз үй камагына чыгарылды. Бул тууралуу SUPER.KG порталына Ош шаардык ички иштер башкармалыгынан билдиришти.

Маалыматка караганда, тиешелүү чечимди бүгүн Ош шаардык соту чыгарды. Ага ылайык, буга чейин убактылуу кармоочу жайга киргизилген Алтынай Жайнакова тергөө иштери бүткөнчө үй камагында болот.

Айта кетсек, окуя 13-январга караган түнү Ош шаарындагы Масалиев жана Абдыкадыров көчөлөрүнүн кесилишинде болгон. Анда айдоочу кыз өзүн журналист, эл тааныган ырчы катары тааныштырып, ар кимге телефон чалып Патрулдук милициянын кызматкерлерин коркуткан. Унаасын айып жайга токтотуу үчүн алдына отурган Патрулдук милициянын кызматкеринин кашын арткы орундуктан буту менен жара тепкен. Кийин ал Алтынай Жайнакова экени белгилүү болгон. Анын үстүнөн "бейбаштык" беренеси боюнча кылмыш иши козголуп, тергөө амалдары жүрүүдө.