"Супер сулуу-2016" наамынын ээси Бактыгүл Орозбаева: "Маймылды биринчи жолу жакындан көрдүм"

"Супер сулуу-2016" наамынын ээси Бактыгүл Орозбаева менен SUPER.KG Кубогунун "Мыкты оюнчу" наамын жеңип алган "Универсал" командасынын оюнчусу Калыбек Турдубаевдин Бали аралындагы саякаты уланууда. Алар бүгүн, 7-февралда жергиликтүү театр койгон "Баронг" аттуу музыкалык пьесага күбө болушуп, Убуд районунда жайгашкан маймылдар байырлаган сейил бакка барып, экзотикалык жандык менен таанышууга жетишишти. Саякат Батур аталышындагы жанар тоодо, Тегенунган шаркыратмасында уланды.

"Биринчи жолу маймылды жакындан көрдүм. Колуңда эмне болсо алып качып кетишип, убара кылышат экен. Кармап көргөнгө, тамак бергенге тыюу салыныптыр. Айрыкча кичинекей маймылдарга жолобош керек дешти. Себеби апасы баласын кызганып тиштеп алышы мүмкүн экен", - дейт Бактыгүл Орозбаева.

"Убуд районундагы жанар тоого барып жыргап калдык. Ал жактын салкын абасы балиликтер үчүн муздак болсо, дем жетишпей ысып турган бизге окшогон туристтер үчүн керемет жер болду", - деди Калыбек Турдубаев.