Бүгүн Чемпиондор Лигасынын жарым финалында мадриддик эки команда - “Реал” жана “Атлетико” кез келет

Бүгүн, 3-майга караган түнү клубдар арасындагы эң беделдүү мелдеш – Чемпиондор Лигасынын жарым финалдык оюну орун алат. Анда мадриддик “Реал” өз үйүндө ушул эле шаардын командасы “Атлетикону” кабыл алат.

“Реал” менен “Атлетико” 2014-жылы жана 2016-жылы аталган мелдештин финалында жолугушкан. Анда экөөндө тең “Реал” жеңишке жетишкен эле. Диого Симоененин футболчулары бул жеңилүүлөрүн унутуша элек. Демек, “Атлетико” бул жарым финалга өзгөчө даярдык менен келерине шек жок.

“Галактикос” эки жыл катары менен Чемпиондор Лигасын жеңип алып, тарыхта калуу ниетинде. Себеби буга чейин аталган кубокту эки жолу катары менен жеңип алган команда болгон эмес. Зинедин Зидандын ою ишке ашабы, жокбу оюн көргөзөт.

"Реал М" (Испания) - "Атлетико" (Испания)

Стадион: Мадрид шаары, "Сантьяго Бернабеу" стадиону.

Калыс: Мартин Аткинсон (Англия)

Башталышы: 00:45 (Бишкек сааты боюнча)