Жаш кызын жанына уктатып коюп, базарда соода кылган аялдын сүрөтү талкууланууда

Бишкек шаарындагы Аламүдүн базарында кичинекей кызын жанына уктатып коюп, түндө соода кылып жаткан аялдын сүрөтү интернет желесинде талкууга түштү.

Сүрөттөн жаш аялдын түндө соода кылып отурганын, жанында кичинекей кыздын уктап жатканын көрүүгө болот. Интернет колдонуучулары ар кандай билдирүүлөрдү жазып жатышат. Айрымдар жашоо-шарттын начардыгын айтып, бул окуяга бийликти күнөөлөп чыгышты. Интернет колдонуучулардын бири: "Үйдө, жылуу төшөктө уктап жата турган убагында көчөдө уктап жатат. Бул абалына караганда, кыз түзүк тамактанбаса деле керек. Эмне дээриңди да билбейсиң, мына ушундай балалыгың үчүн кечир бизди, улууларды", - деген пикирин жазган.