Интернетке "Тажик чек арачылары Кыргыз жоокерлерине орой мамиле жасап жатат" деген видео тарады. Чек ара кызматынын жообу

SUPER.KG порталынын "ЭЛДИК ВИДЕО" бөлүмүнө 13-август күнү "Чек арадагы жаңжал" деген аталыштагы видео жүктөлдү. Кыргыз Чек ара кызматынан кабарлашкандай, видеодогу окуя 20-июль күнү Ворух анклавына өтчү Кишемиш-Аксай транзиттик жолунда болгон.

Анда аталган транзиттик жолдо Тажик чек арачылары Кыргыз чек ара кызматынын эки аскерин жана эки жаранын кармап алып, орой мамиле жасап, бир кызматкердин денесине жеңил жаракат келтиришкен.

"Мындай аракети менен Тажикстан тарап мурда жетишилген эки тараптуу макулдашууну бузду. Окуядан улам ошол күнү эки тараптуу жолугушуу болуп, кармалган эки чек арачы менен эки жаран өткөрүлүп алынган жана Тажикстан тарап кечирим сураган. Кийин Тажикстан кылган аракети үчүн чек арачыларын жоопкерчиликке тартканын билдирген", - деп кабарлашты мекемеден.