Супер-Инфо
super.kg видео
"Сүрөттөр сүйлөйт". Айтылуу Матраимовдордун тоюна депутаттар менен чиновниктердин жоон тобу барды (тизме)
Бажы кызматынын төрагасынын мурдагы орун басары Райымбек Матраимов
менен Жогорку Кеңештин депутаттары Жанар Акаев жана Улан Примов.
Бүгүн, 1-майда интернетте жана социалдык тармактарда айтылуу Матраимовдордун тоюна бийлик өкүлдөрүнүн катышканы кызуу талкууланып жатат.
Иш-чарада тартылган сүрөттөрдөн парламенттин спикери Дастанбек Жумабеков, вице-спикер Мирлан Бакиров, биринчи вице-премьер Кубатбек Боронов, фракция лидерлери Алтынбек Сулайманов, Алмамбет Шыкмаматов, Алмазбек Баатырбеков, депутаттар Нурбек Алимбеков, Жанар Акаев, Азамат Арапбаев, Тазабек Икрамов, Канатбек Исаев, Бакытбек Жетигенов, Руслан Казакбаев, Аалы Карашев, Канат Керезбеков, Марлен Маматалиев, Талант Мамытов, Талайбек Масабиров, Жылдыз Мусабекова, Абдывахап Нурбаев, Улан Примов, Бактыбек Райымкулов, Бактыбек Сыдыков, Таабалды Тиллаев, Алмазбек Токторов, Тынчтыкбек Шайназаров, Закир Шарапов, өкмөттүн Ош облусундагы өкүлү Узарбек Жылкыбаев жана башка жогорку кызматтагылардын жоон тобун көрүүгө болот.
Коноктордун катарында Жогорку Кеңештин мурдагы депутаты жана Бишкек шаарынын экс-мэри Нариман Түлеев, ушул жылдын башында Опера жана балет театрынын башкы директору болуп дайындалган Керим Турапов да орун алган.
Ошондой эле иш-чарага Жогорку Кеңештин мурдагы төрагасы Ахматбек Келдибеков, мурдагы башкы прокурор Элмурза Сатыбалдиев, Кыргыз өлкөсүнүн Өзбекстандагы элчиси Ибрагим Жунусов катышкан.
Кара-Суу районунун акими Тилек Матраимовдун айрым басылмаларга берген комментарийине ылайык, бүгүн аталган райондо анын атасы Исмаил Матраимовдун элесине арналган иш-чара өтүп жатат.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
2:04
2025-07-23
1:34
2025-07-23
1:15
2025-07-23
0:33
2025-07-23
22:06
2025-07-22
Рейтинг: 
-3
-3
Бугун умутум жалп очту....