ЭЛДИК ВИДЕО: Абересиз-2. Карантинде жаткан аял "шашлык таап келгиле" деп чырдады

"Элдик видео" бөлүмүнө "Карантинде жаткан аял милиция кызматкерине шашлык таап кел деп талап кылды" деген видео жүктөлдү. Видео социалдык тармактарга активдүү тарап, талкууга алынууда.

Видеодо колуна бет кап кармаган аял терезенин жанында туруп: "Мага шашлык таап келгиле, котлет таап келесиңби, жакшы тамак алып кел", - деп кыйкырып жатканы тартылган. Терезенин сыртынан милиция кызматкерин көрүүгө болот. Аялдын жанындагылар ага милиция шишкебек таап келе албайт деп түшүндүрүшкөн. Бирок ал: "Булар биз сураган нерсени таап келип бериш үчүн турат", - деп жооп кайтарып, ортодо кыскача кайым айтышуу орун алган.

Социалдык тармактын колдонуучулары терезеде гүл өстүргөн идиштин бош турганына, жанында топурактын чачылып жатканына да маани берип, видеого тартылганга чейин да чыр болгон деп боолгошууда. Мындан тышкары 14 күндүк карантин эмнеге гана жеткирбейт дешип, сабыр тилегендер бар.