"Өлкөдө COVID-19дун экинчи толкуну октябрда болушу мүмкүн" дейт эпидемиолог Алексей Кравцов

Өлкөдө коронавирустун экинчи толкуну октябрда болушу жана бейтаптардын саны эң жогорку чекке жетиши, тактап айтканда июль айындагыдай абал кайталанышы ыктымал. Бул тууралуу "Профилактикалык медицина" илимий-өндүрүштүк бирикмесинин инфекциялык көзөмөл боюнча республикалык борборунун адиси Алексей Кравцов "Дарыгерге сөз" программасында билдирди.

Анын айтымына караганда, өлкөдөгү эпидемиологдор Оксфорд университетиндеги кесиптештери менен биргеликте өлкөдөгү эпидемиологиялык кырдаалга кайрадан анализ жүргүзүшкөн.

"Ал оорунун жогорку чеги октябрь айында болорун так көрсөттү. Эгер чара колдонулбаса, көрсөткүч жыл аягында же жаңы жылдын башында гана төмөндөшү мүмкүн. Ошондуктан биз объективдүү даярдык көрүшүбүз керек. Ал ОРВИ (курч респиратордук вирустук инфекция) жана сасык тумоо сезонуна туш келет. Саламаттыкты сактоо министрлиги сасык тумоого каршы вакцинаны сатып алат. Себеби инфекция оорулар менен курч болушу мүмкүн", - деген ал.

ОРВИ же сасык тумоону коронавирустун биринчи белгисинде айырмалоо кыйын экенин Николай Кравцов кошумчалаган. "Качан биз оору тууралуу айтканда, анча белгилүү эмес симптомдору жүрөт: баш оору, дене таптын көтөрүлүшү, чыйрыгуу", - деп кошумчалаган ал.