Сутка ичинде 11 медицина кызматкери коронавирус жуктуруп алды

Акыркы бир сутка ичинде өлкөдө дагы 11 медицина кызматкери коронавирус инфекциясын жуктуруп алганы аныкталды. Маалыматты республикалык штабдан кабарлашты.

Нарын облусунда – 1;
Ош шаарында – 2;
Баткен облусунда – 4;
Жалал-Абад облусунда – 3;
Чүй облусунда – 1.

Ал эми бир суткада 6 медицина кызматкери ооруканалардан айыгып чыгарылды. Мындан сырткары үй карантининен 31 медициналык кызматкер айыгып чыкты.

Жалпысынан республика боюнча COVID-19 диагнозу менен медициналык кызматкерлер арасында – 2 миң 959 учур катталды, алардын ичинен 2 миң 178 медкызматкер айыгып чыкты.