Этникалык кыргыздар ЖОЖдордо акысыз билим ала алат. Документтерди кабыл алуу башталды

Билим берүү жана илим министрлиги этникалык кыргыздар Кыргыз өлкөсүнүн жогорку окуу жайларына акысыз билим алуу үчүн бюджеттик орундарга сынак башталганын маалымдайт.

Сынакка Тажикстан, Өзбекстан, Түркия, Казакстан жана Кытай Эл Республикасынын жарандары болгон этникалык кыргыздар катыша алышат.

Сынакка катышуу үчүн талапкерлер төмөндөгү документтерди тапшырышы зарыл:

Министрдин орун басарынын атына арыз (формасын жүктөп алыңыз Арыз.docx)
Анкета (формасын жүктөп алыңыз Анкета.docx)
Паспорттун же туулгандыгы тууралуу күбөлүгүнүн көчүрмөсү (талапкер паспорт ала элек болгон учурда), нотариалдык күбөлөндүрүлүп, орус же кыргыз тилине которулган.
Алган билими тууралуу документинин (аттестаттын же дипломунун) көчүрмөсү, орус же кыргыз тилине которулуп, нотариалдык күбөлөндүрүлгөн болушу керек.
Билиминин деңгээли тууралуу маалымкат (Кыргыз Республикасынын Билим берүү жана илим министрлигинен алынат).
Үй-бүлөсүнүн курамы тууралуу маалымкат.
Академиялык тармакта жетишкендигин тастыктоочу сертификаттар, грамоталар, дипломдор.
Орус же кыргыз тилинде жазылган мотивациялык эссе – Кыргыз өлкөсүнүн аймагында турган этникалык кыргыздар гана үчүн (формасын жүктөп алыңыз Мотивациялык кат.docx).
086-у формасындагы медициналык маалымкат.
ВИЧ/СПИДдин жоктугу тууралуу медициналык маалымкат.
3х4 сантиметр өлчөмдөгү 6 даана сүрөт.

Кыргыз өлкөсүнүн аймагында турган, жарандыгы чет өлкөлүк этникалык кыргыздардын документтерин Кыргыз Республикасынын Билим берүү жана илим министрлиги 2020-жылдын 10-сентябрына чейин кабыл алат.

Кыргыз өлкөсүндө турган, жарандыгы чет өлкөлүк этникалык кыргыздар үчүн каралган ЖОЖдордун жана багыттардын тизмесин бул жерден жүктөп алсаңыз болот Жождордун жана багыттардын тизмеси.docx.

Документтер күн сайын саат 14:00дөн баштап 17:30га чейин гана Билим берүү жана илим министрлигине кагаз түрүндө тапшырылат.

Дареги: Бишкек ш., К.Тыныстанов көч., 257, Эл аралык кызматташтык жана инвестицияларды тартуу бөлүмү, тел.: +996 312 621519.

Ошондой эле документтерди электрондук түрдө төмөнкү дарекке жөнөтсө болот: icipd.moes@gmail.com

"Толук эмес жана кабыл алуу мөөнөтү өтүп кеткенден кийин жөнөтүлгөн документтер каралбайт!" деп баса белгилешти министрликтен.

Тажикстан, Өзбекстан жана Кытай Эл Республикасынын аймагында турган этникалык кыргыздардын документтерин кабыл алуу иштерин аталган өлкөлөрдө жайгашкан Кыргыз Республикасынын Элчиликтери жүргүзөт.

Кыргыз Республикасынын Өзбекстандагы элчилиги;

Документтер 2020-жылдын 15-сентябрына чейин кабыл алынат.

Кабыл алуу убактысы – 14:00дөн баштап, 16:00гө чейин.

Кошумча маалыматтар үчүн Ташкент ш., Мирзо-Улугбек району, Ниёзбек йули көч. 6-проезд, 30-үй. Тел.: +998 712374796, +998 909009214, электрондук дареги: kgprotocol.uz@gmail.com.