Артур Цветков үстүнөн арыз жазган Кыргыз жараны: "Ал биринчи кечирим сурады, андан кийин мен сурадым" (видео)

Москва шаарындагы тез тамактануучу жайлардын биринде иштеген Кыргыз жараны менен орусиялык алып баруучу Артур Цветков элдешти. Бул тууралуу журналист Мирбек Молдакунов социалдык тармактагы баракчасына видео жарыялады.

Анда Кыргыз жараны алып баруучу биринчи кечирим сураганын айткан.

"Тынч жол менен бүттү. Бул жактагы улуу эжелер дагы конфликттин кереги жок экенин айтышты. Башынан деле биз урушууну каалаган эмеспиз, өзү арыз жазып баштады. Алып баруучу биринчи кечирим сурады, анан мен сурадым. Эгер ал сурабаса, мен эч качан сурабайт болчумун. Себеби биздин күнөөбүз жок. Артыбызда кыргыз эли турат, баарыңыздарга рахмат. Биз иштеген жетекчилик дагы тынч жолу менен бүтүшүн каалады", - деген Кыргыз жараны Манап.