"4-протоколду иштеп чыгууга коронавирус илдети менен түздөн-түз иштеген дарыгер-практиктер катышты" дейт Саламаттыкты сактоо министрлигинин өкүлү

Бүгүнкү күндө 4-протоколду иштеп чыгууда буга чейинки бардык кемчиликтер эске алынды. Бул тууралуу Медициналык жардам жана дары-дармектер саясаты башкармалыгынын башчысынын милдетин аткаруучу Нургүл Ибраева онлайн маалымат жыйында билдирди.

"Протоколду иштеп чыгууга коронавирус илдети менен түздөн-түз иштеген дарыгер-практиктер катышты. Коронавирус - бул оору, ал дээрлик бардык органдардын жана системдеринин тамырларын козгойт. Түшкөн арыздардын көбү алсыздык, уйкучулук жана диабет менен байланышкан оорулар. Кан басымы жогору болгон учурлар", - дейт ал.