"Экскурсияда жүргөндөй...". Аянттагы азыркы көрүнүштөн фоторепортаж

Азыркы учурда борбордук "Ала-Тоо" аянтында топтолгон элдин тобу жүрөт. Алардын ичинен кээ бирлери Ак Үйдүн төрт тарабында жайгашкан эшиктерден имараттын ичине кирүүгө аракет кылса, кээ бирлери имараттын сынган терезелеринен сыртта тургандарга "Бул жакта эч нерсе жок, келүүгө ашыкпагыла" деген өңдүү кайрылууларды жасап жатат. Дагы бири экскурсия кылып жүргөндөй ары-бери басып жүрүшөт. Аянтта топтолгон элге ыктыярчылар тарабынан ысык чай берилүүдө.