"Садыр Жапаровдун резиденцияда жашаганга укугу бар" дейт президенттик аппараттын маалыматтык саясат бөлүмүнүн башчысы

Бүгүн, 19-ноябрда президенттикке талапкер Садыр Жапаров жаңы Конституция боюнча долбоор тууралуу кайрылуу жасап, өзүнүн сүрөтүн жарыялаган. Социалдык тармактарда анын резиденциядагы сүрөтү талкууга алынган.

Президенттик аппараттын маалыматтык саясат бөлүмүнүн башчысы Нургазы Анаркулов SUPER.KG порталына билдиргендей, бул сүрөт бир ай мурун тартылган. "Жапаров премьер-министрлик кызматын убактылуу токтоткон. Ал өкмөт башчы катары резиденцияда жашаганга укугу бар. Ал эми тамак-аш, байланыш, унаа өзүнүн эсебинен, мамлекеттен каржыланбайт", - деди ал.