Милициянын кайгуул кызматкерлери көчөдө үй-жайсыз жаткан жаранды “Үмүт” кайрымдуулук үйүнө жеткиришти

Милициянын кайгуул кызматкерлери көчөдө үй-жайсыз калган жаранды “Үмүт” кайрымдуулук үйүнө жеткиришти. Бул тууралуу кайгуул кызматынын басма сөз кызматынан билдиришти.

"22-ноябрда болжол менен саат 12:03 чамасында Бишкек ШИИББинин “102” кызматынан Элебесов жана Щербаков көчөлөрүнүн кесилишинде белгисиз жаран жатат деген маалымат келип түшкөн.
Айтылган дарекке милициянын кайгуул кызматкерлери келип, маалыматты тактаганда 1967-жылы туулган С.В. аттуу туруктуу жашаарга жери жок жаран үшүп, жол жээгинде жаткандыгын көрүшкөн.

Чакыруу менен келген кайгуул кызматкерлери ошол замат чечим кабыл алып, үшүп калган жаранды кызматтык унаага салып, А.Токомбаев дарегинде жайгашкан “Үмүт” кайрымдуулук үйүнө жеткиришкен.
Ал жактан жарандар убактылуу жатканга жылуу жай, ысык тамак-аш менен камсыз болушат", - деп жазылат билдирүүдө.

Кайгуул кызматкерлердин ыкчам аракетине үй-жайсыз жаран ыраазычылыгын билдирген.