Тышкы иштер министри Руслан Казакбаев COVID-19га каршы вакцина алуу үчүн Улуу Британиядан жардам сурады

Кечээ, 9-декабрда тышкы иштер министри Руслан Казакбаевдин Улуу Британиянын тышкы иштер жана эл аралык өнүгүү министрлигинин өкүлү Вэнди Мортон менен видеоконференциясы болуп өттү.

Сүйлөшүүдө министр Вэнди Мортонго Кыргыз өлкөсү менен Париж келишиминин (2019-жылдын ноябрь айы) натыйжалуу ишке ашырууга багытталган иштери жөнүндө маалымат берди.

"Мындан тышкары Казакбаев Улуу Британияга экология жана климаттын өзгөрүшү маселелеринде көрсөткөн колдоосу үчүн ыраазычылык билдирди. Ошондой эле Кыргыз өлкөсү менен Улуу Британиянын ортосундагы саясий, соода-экономикалык чөйрөлөрдөгү эки тараптуу кызматташуунун актуалдуу маселелери боюнча пикир алышышты.

Кыргыз тарап Улуу Британиядан калктын аярлуу катмарын (медицина кызматкерлери, мугалимдер, карылар) эмдөө үчүн коронавируска каршы вакциналар менен камсыздоодо жардам көрсөтүү мүмкүнчүлүгүн карап чыгууну суранды", - деп жазылат маалыматта.