Бишкекте 31-декабрь жана 1-январга карата коомдук транспорттун иштөө графиги өзгөрөт
Бишкек шаарында Жаңы жылдык майрамдарга байланыштуу 31-декабрь жана 1-январь күндөрү коомдук транспорттун жүрүү графиги бир аз өзгөрүлөт. Бул тууралуу мэриянын басма сөз кызматы билдирди.
Маалыматка ылайык, 31-декабрда № 2-4-7-8-10 жана 14-троллейбустар, маршруттук таксилер жана автобустар таңкы саат 06:00дөн түн ортосуна чейин иштешет.
1-январда автобустар жана троллейбустар саат 08:00дөн 20:00гө чейин иштешсе, ал эми кичи автобустар түнкү саат 00:00гө чейин иштейт.
Коомдук транспорт маселеси боюнча муниципалитет байланышта болот.
Шаардык транспорт башкармалыгы (кичи автобустар): 53-36-48, диспетчердик кызмат: (0550) 14-36-37;
Бишкек жүргүнчүлөр автотранспорт ишканасы, автобустардын иштешин көзөмөлдөйт: 53-48-24, диспетчердик кызмат: (0553) 02-27-53;
Бишкек троллейбус башкармалыгы: 63-51-99, диспетчердик кызмат: (0700) 41-19-05.

