Аксы-Ала-Бука жолу ачылды

Аксы-Ала-Бука жолу ачылганын Жалал-Абад ОИИБинин басма сөз кызматынан кабарлады.

"Азыркы учурда Аксы-Ала-Бука жолу ачылды. Каттам өз нугунда жүрүп жатат. Жол боюна тигилген боз үйлөр алынууда", - деди маалымат катчы.

Белгилей кетсек, 2021-жылдын 4-январь күнү саат 16:00 чамасында Аксы районунун Кербен шаарынын Ак-Дөбө айылынын жергиликтүү 200дөн ашык тургуну, Аксы-Ала-Бука автожолун тосушуп, 2020-жылдын 7-октябрь күнү Кербен шаарынын “Алтын казык” кинотеатрынын алдында болгон башаламандык боюнча сотко чейинки өндүрүш ишинин алкагында Ак-Дөбө айылынын эки тургуну кармалгандыгы боюнча жана тергөөнү акыйкат жүргүзүү боюнча нааразычылыктарын билдиришип жолду тосуп алышкан.

Бул окуя боюнча топтолгон материалдар 2021-жылдын 4-январь күнү Аксы РИИБинин КЖБРне КРнын Жазык кодексинин 265-беренесинин (Жолдорду мыйзамсыз тосуу) негизинде катталып, сотко чейинки өндүрүш иши ачылган. Окуя боюнча Аксы РИИБинин өздүк курамы толук бойдон, жол тосуп турган жерде коомдук коопсуздукту көзөмөлдөп түшүндүрүү иштерин жүргүзгөнү маалымдалды.