Борбор калаада кармашып урушуу боюнча өлкө чемпиондугу башталды

Бүгүн, 17-февралда Бишкектеги Каба уулу Кожомкул атындагы спорт ордосунда кармашып урушуу боюнча Кыргызстандын чемпиондугу башталды. Бул туурасында Дене тарбия жана спорт департаменти билдирет.

Кабарлангандай, мелдешке республиканын бардык аймактарынан келген 180 спортчу катышууда.

Спортчулар төмөнкү салмак категорияларында күч сынашат:

Кыз-келиндер арасында: 48, 53, 58, 64, 70, +70 килограмм;

Эркектер арасында: 57, 62, 67. 73, 80. 88, 97, +97 килограмм.

Белгилей кетсек, финалдык беттештер эртең, 18-февралда саат 13:00дө башталат.