Иран менен Израилдин ортосунда чыңалуу күчөдү

Иран Израилдин түндүк аймагына карай бир нече ракета учурду. Израилдин Коргоо армиясы абадан коргонуу системдери бардык ракеталарды тосуп калганын билдирди.

Чет элдик басылмалар билдиргендей, Иран бул чабуулдар акыркы эместигин эскертип, дагы ракета жана дрон соккулары улана турганын маалымдады. Тегеран Израилди Бейруттагы соккулар үчүн айыптап, "кызыл сызыктан өттү" деп билдирди.

Өз кезегинде Израил Ирандын аракетин "олуттуу ката" деп атап, жооп кайтарууга даяр экенин билдирди. Көп өтпөй Израилдин аскердик-аба күчтөрү Ирандын батыш жана борбордук бөлүктөрүндөгү аскердик объекттерге сокку урганын маалымдады.

АКШ президенти Дональд Трамп кырдаалдын курчушуна жол бербөө үчүн Израилди жооп берүүдөн карманууга чакырып, ал эми Иранды сүйлөшүү үстөлүнө кайтууга үндөдү.

Учурда Жакынкы Чыгыштагы кырдаал чыңалып, тараптардын ортосундагы жаңжалдын мындан ары күчөшү мүмкүн экени айтылууда.