Кара-Балтада 9 жашар кыздын өлүмүнө шектелип кармалган бала күнөөсүн мойнуна алды 

Кара-Балтада 15-мартта түшкү саат 2лерде Шаардык социалдык фонддун имаратынын жака-белиндеги кароосуз калган гараждын жанынан 3-класстын окуучусунун жансыз денеси табылган. Дарыгерлер анын башына катуу сокку жегенин тастыкташкан. Мындан сырткары зордукталганын текшерүү үчүн экспертиза дайындалып, маркумдун зордукталбаганы далилденген. Кылмыш катталган күнү кыздын өлүмүнө шектелип маркумдун апасынын бөлөсү, Кара-Балта шаарынын 18 жаштагы тургуну кармалган.

Тергөөчү: - Аты-жөнүңүз ким?

Кылмышка шектүү: - Тургунбек уулу Амантур.

Тергөөчү: - Туулган жылыңыз?

Кылмышка шектүү: - 1996-жыл. (Окуя тууралуу) 15-март күнү саат 2лерде эжекемдин үйүнөн чыгып...

Тергөөчү: - Каяктан?

Кылмышка шектүү: - Залина эжекемдикинен...

Тергөөчү: - Каякта жашайт?

Кылмышка шектүү: - Соцфонд жакта, Садовойдо. Ошо жакка барып, улуу эжекем мени ходунокко жөнөткөн болчу да. Ошого барып... Анан кийин ошо эжекем менен пиво ичип, 2,5 литр...

Тергөөчү: - Жалгызбы?

Кылмышка шектүү: - Ооба, жалгыз. Залина эжекем алып берген болчу. "Башым ооруп жатат" дегенде. Анан саат 2лерде Гүлираны мени менен жөнөттү Залина эжекем.

Тергөөчү: - Гүлира деген ким?

Кылмышка шектүү: - Гүлира - кызы. Анан 100 метрдей баскандан кийин клиниться этип калып, сразу эле гараждын аркасына алып барып, эки жолу таш менен башына чаап өлтүрүп алдым.

Тергөөчү: - Эмне максатта гараждын артына алып бардыңыз?

Кылмышка шектүү: - Билбейм ошону...

Тергөөчү: - Зордуктайын деген оюңуз бар беле?

Кылмышка шектүү: - Оюм жок болчу, бирок өлтүрүп салыптырмын да...

Тергөөчү: - Эмне менен чаптыңыз эле?

Кылмышка шектүү: - Таш менен... эки жолу, башына.

Тергөөчү: - Ал эжекеңиздин кызы беле?

Кылмышка шектүү: - Ооба, эжекемдин. Бөлөмдүн.

Тергөөчү: - Ошондо каза болгон кыз бөлөңүз болобу?

Кылмышка шектүү: - Жок, мамасы бөлөм болот. А тиги ошол бөлөмдүн кызы болот.

Тергөөчү: - Эч кандай причинасы жок эле өлтүрүп койдуңузбу?

Кылмышка шектүү: - Ошондой...

Тергөөчү: - Кылган күнөөңүздү моюнуңузга аласызбы?

Кылмышка шектүү: - Алам.

Тергөөчү: - Өкүнөсүзбү?

Кылмышка шектүү: - Өкүнүп жатам.

Тергөөчү: - Жашыңыз канчада?

Кылмышка шектүү: - 18ге чыктым.

Тергөөчү: - Окуйсузбу?

Кылмышка шектүү: - Окубайм. Базарда атама жардам берип иштейм.

Тергөөчү: - Буга чейин милицияга түшкөн эмессизби?

Кылмышка шектүү: - Жок, түшкөн эмесмин.