Генерал Талантбек Исаевдин рейдге чолок шым кийип чыкканы жана жол-кайгуул кызматкерлеринин 19 жаштагы кызга орой мамиле жасаганы кызуу талкуу жаратты

Бүгүн, 11-августта интернетке жол-кайгуул кызматкерлери 19 жаштагы кыз менен чырдашканы тууралуу видео тарагандан кийин, колдонуучулар рейдге катышкан генерал Талантбек Исаевдин чолок шым, кепка кийип чыкканын сынга алышты. Видеодо кыздын күнөөсү далилденбесе да, ага Талантбек Исаев баш болгон МАИ кызматкерлери тарабынан жасалган орой мамиле көңүл борборунда болууда.

Видеого Талантбек Исаевдин кыйкырып, кызды камаганга буйрук берип, "Бейбаштык" деп жазып, алып кеткиле. Бул сенин аялыңбы же карындашыңбы? Азыр ИИБ башчысына чалып, 15 суткага камагыла деп айтам" дегени жазылган.

Буга чейин КРнын Ички иштер министри Абдулда Суранчиев жергиликтүү басылмаларга берген маегинде генерал Талантбек Исаевдин жүргүзгөн иштерин сынга алган. "Исаев Жалал-Абадда караңгылатылган унааларды издеп жүрөт. Андан көрө жол кырсыктарынын алдын алуу боюнча иштебейби. Мен сиздин да унааңызды караңгылатып бермекмин. Унаалар менен кыздарды куубай, маанилүү иштерди жасабайбы" дегени бар.