Бишкекте доллардын курсу 1 жылда 17 пайызга кымбаттап, учурда 55 сом 80 тыйынды түзүүдө

Бишкекте бүгүн, 20-октябрга карата көрсөткүчтө доллардын курсу 56 сомго чамалап, сатып алуу 55 сом 60 тыйынды, ал эми сатуу 55 сом 80 тыйынды түзүүдө. Акыркы 4 күн ичинде доллар 30-35 тыйынга кымбаттады. Ал эми жыл башынан бери доллардын сатып алуу жана сатуудагы наркы 7 сом 40 тыйынга жогорулады. 2013-жылдын октябрь айындагы көрсөткүч менен азыркы учурдагы көрсөткүчтү салыштырганда, 1 жыл ичинде доллар 17 пайызга (орто эсеп менен) кымбаттаган.