Ала-Тоо ак калпагын кийген кезде,
Аскасы көк асманга тийген кезде.
Мен дагы жолго чыгам танды тосо,
Кучактайм ой кырларын нурга кошо
Улуусуң кыргыз жери нурдан бүткөн,
Сулуусуң кыргыз жери ырдан бүткөн.

Ысык-Көл жердин көркү кырлар кашы,
Адырлар көкүрөгү, токой чачы.
Дайралар кан тамыры чоку тажы,
Сендеби топчулары ар бир ташы.
Кең туздуу, гүл денелүү кыргыз жери,
Күн жүздүү берекелүү кыргыз жери.


Жылдыздар көк бетинен өчкөн кезде,
Жарык нур жер жамалын өпкөн кезде.
Көл чалкып тоолор койнун ачкан кезде,
Дил жаркып таң күлкүсүн чачкан кезде.
Көркүңө көрк кошулат кыргыз жери,
Сезилет ата-энелик мээримдери.

Жүр ээрчишип кетели өрүкзарга,
Сунушумду суранам, четке какпа.
Сүйүүбүзгө жолугуп айлуу түндө,
Сыйыналы бир келген бактыбызга.

Мөл булакка барабыз ай тоскону
Ат жалында шамалда ойношкону.
Кечикпейли бир келген бактыбыздан,
Өрүкзарга кетели, макул болчу.

Айлуу түндө никелеп сүйүүбүздү,
Өрүкзарга чачалы күлкүбүздү.
Жылдыздарды терели чачыласын,
Булактарга сүйдүрүп жүзүбүздү.

Кечикпейли бир келген бактыбыздан,
Өрүкзарга кетели, макул болчу.

Топурак-Бел, Шыбак-Бел,
Каттап жүрөм, Буракжан.
Калың элге жарыя,
Мактап жүрөм, Буракжан.
Белек алдым бир сага,
Сактап жүрөм, Буракжан.
Дилдеден оймок белегим,
Сенсиң го менин керегим.
Дал ортоңо жарашкан,
Көк тукаба желегиң.
Сууга барсаң көтөрүп,
Арчадан ийген челегиң.

Сууга барсаң көтөрүп,
Арчадан ийген челегиң.
Кызыл манат кыргагың,
Кызыкты, Бурак, ырдадым.
Кыялыңды сындадым,
Көргөндө сени ырдадым.
Алыста туруп, ак Бурак,
Астыртан колду булгадың.
Базар-Коргон аралап,
Сайга түштүң, Буракжан.
Баркыңды түзүк билбеген,
Жайга түштүң, Буракжан.

Баркыңды түзүк билбеген,
Жайга түштүң, Буракжан.
Арпачынын агасы,
Асылың беле, Буракжан?
Эсимдесиң, ырдадым,
Сени кыйла, Буракжан.
Алганым сендей болбосо,
Арман дүйнө, Буракжан.
Элет-кыштак Из-Баскан,
Базарыңыз, Буракжан.
Өттү бизге өзгөчө
Азарыңыз, Буракжан.

Өттү бизге өзгөчө
Азарыңыз, Буракжан.
Кош дарбаза коргонуң,
Канакей көңүл койгонуң?
Көңүл үзбөй бир жүрчү,
Кадырманым болбодуң.
Көз артканды билбейсиң,
Көбүн көзгө илбейсиң.
Көңүлүң бар жигитке,
Көрүнүш берип сүйбөйсүң.
Буракжан, сен деп боздодум,
Боздогонум койбодум.

Жылуу кийин, жолуң кыйын, үшүүрсүң,
Кыш да катуу, бороон улуп, кар уруп…
Суугуңду өз мойнума алайын,
Жол карайын, токтой турчу, Ата Журт!

Түндөр жаман, кырсык салып кетпесин,
Наалат келип ат тизгинин шарт буруп…
Азабыңды өз мойнума алайын,
Из карайын, токтой турчу, Ата Журт!

Жаз да башка, жел тийбесин абайла,
Көпкө турбас мобул турган сур булут.
Бүт дартыңды өз мойнума алайын,
Сен ооруба, мен ооруюн, Ата Журт!

Ошондойбу, оо, сулуу, ошондойбу?
Ошол үчүн жүрөгүң озондойбу?
Ыгы жоктук кетирсем кечирип кой,
Ыза болуп көңүлүң бошоңдойбу?

Кайырма:
Оор тийсе ошондо, ошондогум,
Ойлой берип мен дагы бошоңдодум.
Кирсиз, таза тилектер кайда калды?
Ким көтөрөт көңүлдүн бозоргонун?

Тамашаңбы, чыныңбы, жалганыңбы?
Жалган айтып мен сени алдадымбы?
Арзуу толгон жүрөгүм бирөө эле,
Аясаңчы, козгобой арманымды...

Кайырма:

Ушундайбы, оо, сулуу, ушундайбы?
Ушул үчүн жүрөгүң тызылдайбы?
Арзуу толгон жүрөгүм бирөө эле,
Аясаңчы, козгобой арманымды...

Кайырма:

Жүр ээрчишип кетели өрүкзарга,
Сунушумду суранам, четке какпа.
Сүйүүбүзгө жолугуп айлуу түндө,
Сыйыналы бир келген бактыбызга.

Мөл булакка барабыз ай тоскону
Ат жалында шамалда ойношкону.
Кечикпейли бир келген бактыбыздан,
Өрүкзарга кетели, макул болчу.

Айлуу түндө никелеп сүйүүбүздү,
Өрүкзарга чачалы күлкүбүздү.
Жылдыздарды терели чачыласын,
Булактарга сүйдүрүп жүзүбүздү.

Кечикпейли бир келген бактыбыздан,
Өрүкзарга кетели, макул болчу.

Санаага салып, асылым, бактым,
Сары оору мончок сагыныч тактың.
Жомокто кайып болгон перимдей,
Жол учун үзүп кай жакка каттың?

Түнү-күн издеп, көзүм талгандай,
Түшкө кирбейсиң көңүл калгандай.
Жабыркап, жаным, азап чегемин,
Жалгыздык мага бүтпөс армандай.

Күтүп жаз-жайга өзүмдү азгырдым,
Күз жалбырагын жазып кат кылдым.
Кучактап мендей тапсаң өпкүн деп,
Кусалыгымды желге тапшырдың.

Он сегиз курак бактымбы?
Ошондон жыргал таптымбы?
Ойнотуп, ойнотуп күлүк ат минип,
Жыйрмадан отузду карай чаптымбы?

Өмүрдөн, жашоодон издеп бактымды,
Көңүлдөн, сүйүүдөн аны таптымбы?

Кыйналып издеп бактымды,
Кырк жашты карай чаптымбы?
Он сегиз, жыйырманын ичи жаш эле,
Ыраактап өзүм качтымбы?
Өмүрдөн, жашоодон издеп бактымды,
Көңүлдөн, сүйүүдөн аны таптымбы?

Эчен жыл издеп бактымды,
Элүүгө карай чаптымбы?
Улгаюу деген ойдо жок,
Убакыт неге шаштырды?
Өмүрдөн, жашоодон издеп бактымды,
Көңүлдөн, сүйүүдөн аны таптымбы?