Ай-күндөй тегиз болгон,
Жашоомо негиз болгон
Мен үчүн аябаган,
Мээрими деңиз болгон,
Сагындым, апа, сизди.

Деңиздей кемибеген,
Дүйнөсү мени менен.
Өлүмгө башын сайып,
Жүрөгү уулум деген,
Сагындым, апа, сизди.

Урушуп чыңдаса да,
Уулум деп сындаса да.
Абалың сурап турган,
Ал өзү сыркаса да,
Сагындым, апа, сизди.

Издей берем тааныш үйдөн,
Издей берем көчөдөн.
Карааныңды мен жоготтумбу,
Түшүмдө гүл төшөгөн.

Кайырма:
Эмне мынча сүйөм сени?
Эмне мынча сагынам?
Кучагыңда денем ысып,
Чачтарыңдан сылагам.

Оюм сенде билсең деги,
Ырым сенде сайраган.
Сендеби дейм мүрөк көлү,
Кышта суусу кайнаган.

Кайырма:

Кайдасың сен, таба аламбы?
Билесиңби сен тилекти?
Адаштырдың, бара аламбы?
Уйкум келбей түн өттү.

Кайырма:

Түшүмдөсүң, жүзүмдөсүң,
Багымдасың жайнаган.
Өзүмдөсүң, көзүмдөсүң,
Канымдасың чанбаган.

Кайырма:

Жүрөсүңөр жашап-иштеп алыста,
Чоло тийбейт ай өткөрбөй барышка.
Ак эмгекти актайын деп уулуңар,
Билим үчүн түшкөн узак жарышка.

Ойлоорсуңар санаа тартып, камыгып,
Садагалап, караанымдан кагылып.
Силер мени самагандай жол карап,
Мен да жүрөм өзүңөрдү сагынып.

Силер анда, мен күнчүлүк алысмын,
Заманамдан калбай келет жарышкым.
Алпештеген энем менен атакем,
Мен силерге өмүр бою карызмын.

Мен сени сагынып, жаным, эңседим,
Сезимдер сел болуп жанып дегдедим.
Селкилер көз салып арбап турса да,
Сен дедим, жан эркем, дайым сен дедим.

Кайырма:
Тандап, тандап майда басканың,
Татымың бал гүлдөй ачканың.
Көктө жылдыз түндү жамынган,
Көксөп сени эми тапкамын.

Мен сага ашыгып күндө самаймын,
Мен сага шашылып күндү санаймын.
Жүрсөм да алыстап бакытым ошол,
Сен келчү жолуңду күндө караймын.

Билсе деп өзүмдү өзүм,
Сезимди сез дей албайм.
Сүйүп мен өзүңдү, сүйкүмдүү көзүңдү,
А бирок тиктей албайм.
Токто деп өзүмдү өзүм,
Токтотуп кармана албайм.
Алса деп гүлүмдү, укса деп үнүмдү,
А бирок жандай албайм.

Кайырма:
Кантейин, кантейин, арман,
Катылып жүрөктө калган.
Балким, мен адашып калганмын ушул бакытымдан.
Кантейин, кантейин, арман,
Каректе бир элес калган.
Аттигиң, албырып күйөмүн сенин жалыныңан.

Чертилип терезеңден,
Жамгырдай келип кетем.
Акырын жашынып, албырып ашыгып,
Арзуумду берип кетем.
А балким, байкагансың,
Жактырып жүргөнүмдү.
Эч кимге билгизбей, эркиме жеңилбей,
Мен сени күткөнүмдү.