Мен үчүн жаралгансың, сен менин тоодой бактыма,
Алтыным алыс кетсең ар-дайым сагынамын да.
Карагаттай көздөрүң, балдай ширин сөздөрүң,
Арбаламын мен сага, мен сага садагам.

Кайырма:
Мен сени сүйөм, мен сени сүйөм,
Жарыгым, жаным сен,
Агарган таңым.
Мен сени сүйөм, мен сени сүйөм,
Түбөлүк бактым мен өзүңдү таптым,
Эркеси дүйнөмдүн, өзүңсүң бактым.

Жылмайып мага күлсөң махабатка балкып кетем,
Жанымда бирге жүрсөң өзүмдү бактылуу сезем.
Карагаттай көздөрүң, балдай ширин сөздөрүң,
Арбаламын мен сага, мен сага садагам.

Кайырма:
Мен сени сүйөм, мен сени сүйөм,
Жарыгым, жаным сен,
Агарган таңым.
Мен сени сүйөм, мен сени сүйөм,
Түбөлүк бактым мен өзүңдү таптым,
Эркеси дүйнөмдүн, өзүңсүң бактым.

Биз келдик, жашамак бар, азбы, көппү,
Калтырбай көңүлдөрдү сактап келген.
Бул өмүр бир берилген таалай экен,
Алсак дейм аз жашоодон арбын өчтү.

Ичер суу түгөнөр күн качан келет?
Эртеби, кечпи, аны мезгил жеңет.
Жетели тирүүлүктүн кадырына,
Дүйнөгө болбоптур го эч ким түркүк.

Түбөлүк турбайт тура эч бир нерсе,
Не болмок мезгилдерди адам жеңсе?
Баарыңды кырк беш жашка жүз жыл бою,
Тургузуп коёр элем, аттиң, ай, колдон келсе.
Баарыңды элүү жашка жүз жыл бою,
Тургузуп коёр элем, арман, ай, колдон келсе.
Чиркин, ай, колдон келсе,
Аттиң, ай, колдон келсе.

Мен билемин - барсың сен ааламда,
Мен билемин - жалгыз эмесмин анда.
Тилегеним - болчу сен жанымда,
Ишенемин жаным сага жолугарыма

Издегеним сени көргүм келет өңүмдө,
Өзүң менен түбөлүккө өмүр сүрүүгө.
Келет сүйгүм сени, кабылып сүйүүгө,
Ал сүйүүдө келет болгум бактылуу түбөлүккө.

Кайырма:
Бүт өмүрүм сага, жан дүйнөм бир сага,
Жан дүйнөм, бүт өмүрүм өзүң үчүн гана.
Махабатым сага, жүрөгүм бир сага,
Жүрөктөгү сүйүмдү келет арнагым сага.

Бүт өмүрүм сага, жан дүйнөм бир сага,
Жан дүйнөм, бүт өмүрүм өзүң үчүн гана.
Махабатым сага, жүрөгүм бир сага...

Сүйүүгө кабылып, өзүңө жолуксам,
Мен сени эч качан кое бербейм колуңдан.
Жүрөктүн жарымын, өзүңө арнасам,
Мен сени эч качан кое бербейм колуңдан.

Келечекте мени менен болчу жарым,
Болочок менин сүйүктүүм, энеси балдарымдын.
Келечекте өмүр бирге сүрчү адамым,
Чертип сага арнагым келет сүйүү кылдарын.

Кайырма:

Мен билемин - барсың сен ааламда,
Мен билемин - жалгыз эмесмин анда.
Тилегеним - болчу сен жанымда,
Ишенемин жаным сага жолугарыма.

Издегеним сени көргүм келет өңүмдө,
Өзүң менен түбөлүккө өмүр сүрүүгө.
Келет сүйгүм сени, кабылып сүйүүгө,
Ал сүйүүдө келет болгум бактылуу түбөлүккө.

Жол арбытып алыстан тойго келгиле,
Шарпылдаган суулардан кечип өткүлө.
Кунандарды чабышып, жорголорду салышып,
Мелтиреген талаада байгелерди талашып.

Кайырма:
Тойго, тойго келгиле, тойго келгиле,
Оюн-зоокко кошулуп ойноп кеткиле.
Көңүл ачып ар дайым бирге жүрөлү,
Мейман болуп тынчтыкта өмүр сүрөлү,
Мейман болуп тынчтыкта өмүр сүрөлү.

Бийлегиле, жаштар, ай, бийлегиле,
Шапар тээп шаттанып жыргагыла.
Бириңен-бириң калышпай, бийлегиле талыкпай,
Айланада бүт баарың кошулгула тартынбай.

Кайырма:

Обончулар, оболоп ырдагыла,
Булбул болуп баарыңар сайрагыла.
Таза чертип комузду, шаңдуу кошуп добушту,
Күлкү менен, ыр менен көтөрөлү көңүлдү.

Кайырма:

Уйгу-туйгу болот, ай, менин жүрөгүм,
Уйкусуздан мен байкуш сени күтөмүн.
Аман-эсен төрөлсө, бөбөк көз жарса,
Кубанычтын отуна мен чоң бөлөнүп.

Кайырма:
Энекелер, ай, эжекелер, ай,
Силерсиңер өмүр жыргалы.
Энекелер, ай, эжекелер, ай,
Силерсиңер жашоо жыргалы.

Бөбөктөргө кошулуп бөбөк төрөлдү,
Биздин дагы үй-бүлө шатка бөлөндү.
Кубанычтуу күлкүгө күлкү уланып,
Мына бүгүн бешикке бөбөк бөлөндү.

Кайырма:
Энекелер, ай, эжекелер, ай,
Силерсиңер өмүр жыргалы.
Энекелер, ай, эжекелер, ай,
Силерсиңер жашоо жыргалы.

Мейли, тагдыр, мага башың ийбегин,
Мейли, тагдыр, камыр кылып ийлегин.
Мен өзүңдөн башка нерсе сурабайм, ай,
Аска-зоодой ата-энеме тийбегин.

Мейли, тагдыр, бакытымды бербегин,
Байлыгыңды маңдайыма илбегин.
Бул жашоодо мага артык байлык жок, ий,
Медер туткан балдарыма тийбегин.

Мейли, тагдыр, сыйлыгыңды бербегин,
Маңдай жарып мага жарык тийбегин.
Мен өзүңдөн башка нерсе сурабайм, ай,
Ынтымактуу бир тууганга тийбегин.

Бул жашоодо турсун дайым күн чыгып, ий,
Жалгыз гана ак сүйүүмө тийбегин.
Жалгыз гана жубайыма тийбегин,
Мен өзүмө башка нерсе сурабайм, ай,
Түбөлүктүү досторума тийбегин.
Бир туугандай досторума тийбегин,
Аска-зоодой ата-энеме тийбегин.

Көрдүм сени бир кечеден, ай жүзүңдөн турду нурлар төгүлүп,
Көз карашың жүрөгүмдү ээлеп алды, ойлор сага бөлүнүп.
Кереметтүү келбетиңе калдым окшойт күтүүсүздөн арбалып,
Карындашым, кайда кеттиң, чокко салдың көзүмө бир көрүнүп.

Кайырма:
Сезимдер жанып чырактай,
Сагыныч эзет чыдатпай.
Сүйүүнүн шарты ушулбу?
Сүйгөнгө жетет чыдамкай.
Сагынып сени күн өттү,
Сагыныч мени жүдөттү.
Сыздатпа, сенден суранам,
Сагыныч толгон жүрөктү.
Сагындым, сагындым, жаным,
Жылдыздай жанган жамалың.
Сен айтсаңчы, жаным,
Жашырбай, кайда кабарың?

Көп издедим көздөрүңдү тынчтык бербей, бүлүк салган көңүлгө,
Кайталангыс сезим берип жаралгансың мен үчүн бул өмүргө.
Көздөрүмдү жолго кадап күтүп жүрөм, нурдуу селким, мен сени,
Карааныңды таба албадым, сендей сулуу бар бекен бул дүйнөдө?

Кайырма: