Өмүр!
Өтпөш керек өкүнүчтө өмүр.
Өмүр!
Өчпөш керек үмүт нуру өмүр.
Кандай жаман каректен жаш аккан. Арман.
Энелерди аза күтүү баскан. Арман. Оой арман.
----
Агат!
Аянычтуу көздөн жашым агат.
Азап!
Таштандыдай жан ташталса азап.
Айыкпаган жан-дүйнөмдө арман.
Өтүп бул күн бүтөт дүйнөң жалган. Жазган.
-------
Жашоо кандай сонун белек!
Жашап үйрөнөлү демек!
Жашоо ырахаттуу белек!
Аткарылса аруу тилек!
------
Жашоо кандай сонун белек!
Баалап баркын билсек демек!
Жашоо кандай сонун белек!
Жашап сүйүп аны билсек!
-------
Үмүт!
Үзүлбөгөн өчпөс жарык үмүт.
Үмүт!
Туңгуюктан алып чыгат үмүт!
Кандай жакшы көзүнөн нур чакчкан, жылмайсаң!
Кучагында кубаныч гүл ачкан

Таң атып бар жатат түн өкүм сүрүп,
Таңдын кучагында ойлуу жүрөмүн.
Бир кыз бар дүйнөнүн эң жаман кызы,
Мен ушул жаман кызды жакшы көрөмүн.
Жаныңа барамын, күйүп барамын,
Дүйнөнү чекеге сүрүп барамын,
Жамандыгын билип туруп барамын.

Ырга салдым нурлуу жүзүңдү,
Жамалыңды жакшы көрөмүн.
Көргүм келет кара көзүңдү,
Мен сулууну жакшы көрөмүн.

Өзү да кашымда майрамдайт ар күн,
Менден кечип кайра кайтат ал ар күн.
Жамандыгын дагы айтат ал ар күн,
Мен ушул жаман кызды жакшы көрөмүн.
Ыр менен айтайын жарчылар билсин,
Кабагын бүркөгөн каршылар билсин.
Мага эмне бүт жакшылар билсин,
Мен ушул жаман кызды жакшы көрөмүн.

Жашап иштеп алыс жакта,
Келген элем бала чакта,
Убакыттар өттү го, ата.
Тирүүлүк деп жанды багып,
Дүнүйөгө азгырылып,
Баралбадым, болбочу капа.

Кечээ эле бала элем,
Атаке деп мен эрчигем,
Мына бүгүн болдум мен ата.
Кадырыңыз эми билдим,
Түйшүгүңүз эми сездим,
Мына бүгүн болуп мен ата.

Кайырма:

Сагынып, сагынып, сагынып
Атакемди мен.
Сагынып, зарыгып, жүрөмүн
Алыстап сизден.
Атакем, атакем, берекем
Сагындым го сизди.
Барамын, барамын, барамын
Буйруса айылга.

Эске түшөт бала чагым,
Атакем жайып кучагын,
Тосуп алчу бооруна кыса.
Болсом дагы азыр ата,
Сиз үчүн мен дале бала,
Эстей берем болгондо куса.

Жаш кезимде түшүнбөпмүн,
Атакебай айткан сөзүң,
"Балалуу болгондо билесиң" деген.
Кези келип мен түшүндүм,
Атакебай айткан сөзүң,
Мына эми болуп мен ата.

Кайырма:

Жаңылдыңбы, жаздыңбы?
Акылыңдан аздыңбы?
Адашарың билдиңби же
Билбей ката бастыңбы?
Жалган дүйнө ушундай, ай,
Кээде күлүп, кээде ыйлай.
Өмүр өтүп баратканын
Сезбейсиң го байкабай.

Кайырма:
Тамчы, тамчылады жаштарың ыйлай, ыйлай,
Тамчыланып жүрөк муңдары үн угулбай.
Кайра баарын баштан баштайлы дебе, садага,
Өзүңдү өзүң сен алдаба.

Бүгүн калдың сен жалгыз,
Ыйлап турасың алсыз
Өткөн күнгө өкүнүп, ий,
Аттиң кылып аргасыз.
Болду, болду ыйлаба,
Ыйлаганда жок пайда.
Кетирген сен каталарың
Кайталабагын кайра.

Кайырма:

Ардагым, сагындым бүгүн элесиңди,
Жолдоруңа гүл чачсам келесиңби?
Кучагым нурга толгон, ойлорум сенде болгон,
Кусалыгым, карындашым, сезесиңби?

Кайырма:
Айдай бир чүрөгүм жаным,
Арбадың сезимимдин баарын.
Арманым өзүң болдуң кантем, ай,
Жүрөгүм махабатка толгон,
Ойлорум сенде гана болгон,
Сезбейсиң неге аны аттиң, ай.

Жолукканда бек кысып кучагыма,
Коё бергим келбейт жаным кусамын да.
Жүргөндүрсүң сагынып, ак жоолугуң салынып,
Сени менен бийиктерге учамын да.

Биздин башка эмне келип кетпеген?
Эң башкысы амандыкка жетпеген.
Кайда жүрбө, кандай күнгө кабылба,
Досум, кайгырба, тагдырга.

Кайырма:
Өмүр, өмүр, өмүр, ай,
Оорубасын көңүл, ай.
Беш күндүк бул дүйнөдө,
Өкүнбөгүн, досум, ай.

Кыянат кылба тагдырыңда не бар билбейсиң,
Бой көтөрбө сен өлүм үчүн бирдейсиң.
Түбөлүк жашоо болбос, досум, ойлон ушул дүйнөдөн,
Даяр бол, балким, эртең биз да кетербиз.

Кайырма:
Өмүр, өмүр, өмүр, ай,
Оорубасын көңүл, ай.
Беш күндүк бул дүйнөдө,
Өкүнбөгүн, досум, ай.

Өмүр, өмүр, өмүр, ай,
Оорубасын көңүл, ай.
Жалган жашоо дүйнөдө,
Жаңылбагын, досум, ай.

Алтын башың аманда,
Шүгүр кылгын кайгырба.
Кайда жүрбө, кай жерде,
Тагдырыңа таарынба.
Кээде өйдө, кээде жай,
Жашоо деген ушундай.
Өмүр өтүп баратканын,
Сезбейбиз го байкабай.

Кайырма:

Аттиң кылып калба кийин сен,
Жүрөгүмдөсүң эгер билсең,
Эч ким сени мендей сыйлабас,
Кадырыңа билгин жете албас
Сүйүү деген оюнчук эмес,
Жалгыз жүргөнүң башка кез.
Жети өлчөп бир кесүү керек,
Анан кийин болуп калат кеч.

Кайырма:
Жайна, жайна, жайна гүлүм жаз гүлүндөй жайна,
Кайда, кайда, кайда барасың сен алыс кайда?
Сен ойлогон жеңил ойлор билсең, жаным, бербейт сага пайда
Андан көрө кайыл болуп издегин асылым жакшы айла.

Боло бербейт ойлогонуңдай,
Өйдө-ылдый жашоо ушундай.
Сабыр түбү сары алтын деген,
Сөзгө тура албаймын кошулбай.

Кайырма:

Бирде жыртып, бирде өрттөйм, жазган катымды,
Атай албайм, жаза албай сенин атыңды.
Билсең мага жагарыңды,
Түшүнмөксүң абалымды,
Көтөрбөстөн баркыңды.

Кайырма:
Сумсайтпастан сунган колду,
Ак сүйүүмдү билсең болду.
Улагада отурамын,
Уйкусурап карап жолду.

Менден качпа, тетири баспа, салба артыңды,
Сүйүп алам, сыйлап алам сендей алтынды.
Толуктачы катарымды,
Кошчу турмуш сапарыңды,
Көкөлөтпөй баркыңды.

Кайырма:
Сумсайтпастан сунган колду,
Ак сүйүүмдү билсең болду.
Улагада отурамын,
Уйкусурап карап жолду.
Сумсайтпастан сунган колду,
Сүйөрүмдү билсең болду.
Улагадан тосуп алар ,
Күткөн бар деп
Билсең болду.

Билип койчу, угуп койчу, берем антымды,
Ырлар жазып чыгарамын сенин даңкыңды.
Бийик болсоң бийик сүйөм,
Жан дүйнөмдү ийип сүйөм,
Көтөрө бер баркыңды.

Сага барам мен шашыла, гүлзарымда бол,
Мээримиң бакыт арнай.
Жалгыздыкка сен жашынба, кучагымда бол,
Сен дайыма.
Кусалыкка кабылганда, сен жанымда бол
Түнгө жуп айдай болуп.
Кубанамын сени көрсөм, бактылуумун дейм
Жүрөк козголуп.

Кайырма:
Кол кармашып түбөлүк,
Бирге өмүр сүрөлүк.
Эми сагынба, эми таарынба,
Болом жаныңда
Менин сүйүүм сага арналган бир,
Толкуп жаткан дарыя, ал дрыя.

Жараткандан суранамын, бирге бололук
Күчөтүп сезимдерди.
Кыялданып күтүп жүргөн, жалгызым сен
Бактым сенсиңби?

Кайырма:

Бүгүн майрам, бүгүн той деп, ушул жаздын күнүндө,
Гүлдестелер колго кармап, келдик сенин үйүңө.
Бир сен үчүн достор келди, жадырашып, жайнашып,
"Кут болсун!" деп куттук айтып, туулган сенин күнүңдө.

Кайырма:
Кут болсун сенин,
Туулган күнүң.
Куттуктап сени,
Келдик биз бүгүн.

Менин дагы каалаганым, узун болсун өмүрүң!
Кайгы-муңга эч убакта чөмүлбөсүн көңүлүң!
Кайраттуу бол, күчтүү болгун, ден соолугуң чың болсун!
Алган жарың, балдарың да сени менен бир болсун!

Кайырма:

Күндөрдүн бир күндөрүндө тааныштык,
Көздөрүңө тойбой караймын.
Сездиң бекен сен да менин ошондогу сезимим,
Жүрөгүмдүн сен деп жанганын.

Кайырма:
Жүрчү, жаным, кетеличи сүйүү багына,
Болчу дайым мени менен тагдыр жолунда.
Суранамын, жан ардагым,
Таталы өмүрдүн таттуу балын,
Бирге тосуп таңдын аппак болуп атканын.

Карагаттай көздөрүңдөн, жалжалым,
Мени карап жылмаясың ансайын.
Жаратканым берген бактым сен болуп,
Жүрөгүмдү сага арнадым.

Кайырма:

Алма гүл ачкан кезде,
Барамын мен сени издеп айылга.
Көргүм келип, ак жүзүңдү,
Сагынып мен барам жаздын айында.
Кайра-кайра элестетип сени даалай күн өттү,
Аке деген сөзүң менен,
Арбап алдың карындашым жүрөктү.

Кайырма:
Карагаттай көзүң,
Балдай ширин сөзүң,
Суктанамын жаным, ардагым.
Тааныштайсың кылым,
Айтчы мага сырың,
Жүрөгүмдү кантип арбадың?
Агын тоонун суусу, айылдын сулуусу,
Черттирдиң го жүрөк кылдарын,
Ала качпа көзүң, жүрөгүмдө өзүң,
Бул ырымды сага арнадым.

Неге-неге, айтчы неге?
Арбалдым мен айылдык кыз сендейге.
Ыйманыңды сүйдүм, жамалыңа күйдүм,
Болосуңбу деги жубай мендейге?
Айылыңа барып, сага сөйкө салып,
Келемин, ай, чырайлуу кыз канткенде?
Жеңелери коруп, бизге тоскоол болуп,
Койбосунчу колуң сурап келгенде.

Кайырма: