Алгачкы кадам, тай-тайлап баскан,
Эсимде Ай кызым.
"Ата"-деп алгач тилинден сенин,
Бакытка балкыдым
Ак тилек менен бешике бөлөп,
Алдейлеп, Ай кызым.
"Апа"-деп айткан, тилиңден сенин,
Бакытка балкыдым.

Убакыт учуп, узатып турам,
Уяңдан Ай кызым.
Урматта кайын журтуңду сыйлап,
Ак жолуң ачылсын.
Ажарлуу келин, мээримдүү эне,
Атына татыган.
Ардакта кайын журтуңду сыйлап,
Аман бол, Ай кызым.

Байлыкка эмес, батага толсун,
Көшөгөң Ай кызым.
Батамды берип узатып жатам,
Бактылуу бол кызым,
Ийменип кайын атаңа дайым,
Алкышын ал кызым.
Ийилип кайын энеңе дайым,
Батасын ал кызым.

Карааным менин, карегим демим,
Канатым Ай кызым.
Колумдан сени учуруп жатам,
Куш кылып Ай кызым.
Кыялкеч бала,балапан канат,
Эркелең Ай кызым.
Өксүбөй дайым ырыскың толуп,
Бактылуу бол кызым!
Өмүрдүн отун өчүрбөй улар
Өзүңсүң Ай кызым.
Өксүбөй дайым, ырыскың толуп,
Бактылуу бол кызым!

Мен сага арнаганы,
Гүлдесте тандаганы,
Баратам көңүл шайма-шай
Кыялдар орундалып,
Чуркасам жолум тарып,
Сүйлөсөк экен жайма-жай
Өзгөнү көзгө илбей,
Таманым жерге тийбей,
Баратам сага жакканы,
Алгачкы, акыркымды,
Бир келген бакытымды,
Баратам сенден тапканы.

Кайырма:
Жамгырда, жаанда калып,
Гүлдесте кармап алып,
Келе жатканын карачы.
Жылмайып койбодуң да,
Суу болгон колдоруңда,
Канча гүл даана саначы
Жөн эле койсоң болмок,
Көңүлүм ансыз тоймок,
Өзүңдү көргөнүм жетет.
Сүйүүнүн мааниси бар,
Жөн эле бере бербейт,
Гүлдүн да кадыры кетет.

Так санды болжогонмун,
Алганда ойлогонмун,
Түгөйү менен болсо деп.
Гүл берип көрбөптүрмүн,
Маанисин билбептирмин,
Сурабай алганым башка кеп.
Алдыңда билбей турам,
Гүлдү эми кантип сунам,
Ойлорум кетти чачырап.
Жетсем деп жүгүрөмүн,
Билбепмин күбүлгөнүн,
Кайчылап салчы, кайчылап.

Эзилдим канча,
Эч нерсе келбей колумдан,
Эстетип мени,
Кетпедиң такыр оюмдан.

Кайырма:
Көңүлүм чөгүп, жүрөгүм турат кайгырып,
Какшыган чөлдөй, каламбы сенден айрылып.
Кубантып мени келсеңчи кайра кайрылып,
Күтөмүн сени келсеңчи жаным кайрылып.

Канчалык мага,
Кыйындай болсо айрылуу,
Жанчылып жүрөм,
Кыйындай сага кайрылуу.

Ишенбей турамын укканыма
Ичим от, жалындын кучагында
Ирмебей уйкусуз түндөр өтөр
Илинип санаанын тузагына
Жарыгы өчкөндөй махабаттын
Жалыны жалгандын каптап жатты
Жазыгы эмнеде билбейт элем
Кайгы таптым

Кайырма:
Ыйлабачы, ыйлабачы, жан дүйнөмдү кыйнабачы
Ыйлабачы, сыздабачы, жүрөгүмдү бүтүн жанчып
Суранамын мен өзүңдөн, жаным менин

Өзүңсүз мен эми жашай албайм
Өмүрдүн таттуусун сага арнайм
Өкүнтөт өрт болуп өткөн күндөр
Өзүңдү мен эми жандай албайм
Ойлобой койоюн десем дагы
Оюмдан кетпедиң күнү-түнү
Айыкпас жүрөктүн ушул тагы
Болдуң жаным

Кайырма:

Сүйүшөт көп жигиттер суктанып сага гана,
Таалайым сенден издейм, талапкер болуп сага,
Мен дагы арнап келем сүйүүмдү, жаным, садагам.
Бир болсо ойлорубуз үзүлбөйт колдорубуз,
Түбөлүк бир болобуз, түз болот жолдорубуз,
Баары бир жетем сага, батпачы, жаным, санаага.

Арнадым, тандадым, болоюн ардагың,
Буюрса, нике кайып.
Ардагым, калбагын, болбоюн арманың.

Сүйүшсө көп жигиттер аларда эмне айып?
Сүзө албайт көк деңизде калаксыз калган кайык,
Сүйүшкөн жандарбыз го, кайгырба, жаным, садагам.
Сен болсо алтын балык, мен болсо торду жайып,
Өзүмдүк кылып алам, буюрса, нике кайып,
Ардагым болоруң чын, алдырба, жаным, санаага.

Кайырма:

Биз көлдө сүзгөн, бир өмүр сүргөн,
Кош ак куу болдук тандашып сүйгөн.
Эңсеген жылдыз экөөбүз болдук,
Ээрчишип учуп, жандашып түшкөн.

Кайырма:
Кызыл гүл болуп ачылам сага,
Кымбатың болуп арналам сага.
Шүүдүрүм болуп таң менен келсең,
Кучагым жайып күн болом сага,
Өмүрдү жалгыз арнаймын сага.

Каректе калсын махабат жанып,
Кайталап өчпөс сезимди жазып.
Түбөлүк биздин сүйүүбүз өчпөйт,
Алоолоп күйүп, албырып жанып.

Кайырма:

Кара мончок каректериң карагат,
Караганың жүрөгүмдү жаралап.
Кайырчыдай жалдырады ак сүйүүм,
Кагып эшик бир өзүңө сагалап.

Кага албай махабатым канатын,
Кайра тапты жүрөгүмдүн жараатын.
Башка менен кол кармашып бактылуу,
Неге мени көзгө илбей бараттың?

Кайырма:
Ай, аярым, өзүңдү аядым,
Жалгандан алсырап аядым.
Ай, аярым, сүйүүңдү танбаймын,
А бирок өзүңдү аядым.

Кайгы беле махабаттын белеги?
Кыйналамын таппай анын себебин.
Кагып канат уччу жерге жетпесе,
Айтчы анда куштун барбы кереги?

Алоолонгон ак сүйүүмдү арнадым,
Алыс кагып аны кабыл албадың.
Башка нерсе айта албайм, түшүнгүн,
Бактылуу бол, менин сага каалаарым.

Кайырма: