Канча жолу өчүп кайра тирилдик,
Касиеттүү эл катары билиндик.
Кара келип боздобосун энелер,
Калкыбызда болуп дайым биримдик.

Кыргызстан,
Кандай жер сага теңелет
Карачы кандай керемет
Менин жерим
Кыргызстан
Ажайып көркү ачылат
Карачы кандай нурданат
Менин элим.

Баары күтөт жакшы заман келишин,
Бак тигели, балдар жесин жемишин.
Наркыбызды сактап бекем туралы,
Намыс үчүн, мекен үчүн, эл үчүн.

Кайырма:

Каныбызда мөл булагы агылат,
Каректерде шам чырагы жагылат.
Дүйнөдө жок мындай жерди издесең,
Биздин гана жүрөктөрдөн табылат.

Кайырма:

Асылдар көп залкар чыгып заманда,
Калайыктын бактысына жаралган.
Ошол үчүн бийик болуп Ала-Тоо
Байыртадан улуу кыргыз аталган.

Кайырма:

Көргүм келет сени күндө,
Көлөкөңө зар болуп.
Алтыным, түшөм жалынга,
Көлдөй толкуп.
Көңүлүмдө көкөлөймүн жар болуп,
Жаркыным, жүрсөң жанымда.

Кайырма:
Махабатым сен,
Бакыт кушум сен ыйык жандай.
Айлуу түндөр, ай,
Арбайт жарык шамдай.
Махабатым сен,
Көкөлөп чалкып учкандай.

Сагынычтан арылбадым,
Саамайыңа байланып.
Алтыным, жаным, эзилдим,
Канат болуп кагылайын.
Карегиңден айланып,
Жаркыным, арнап сезимди.


Кайырма:
Ак дилимден төгүлөйүн алдыңа,
Адамзатка асыл биздин санжыра.
Жадырап күн нурундай,
Жарашып эгиз талдай,
Боз үй тигип махабаттын айылына.

Жер кыдырган желден сурап дарегиң,
Күткөн жүрөктүн бүтпөс муңу бар.
Жалгыз сени издеп келет карегим,
Сагынычымдын сүйүү ыры бар.

Кайырма:
Баары, баары сага, бир сага, сага,
Байлап жанымды бакыт каалайын.
Жана сага, бир сага, сага,
Жалындап күйүп, жылдыз болуп жанайын.

Бийиктеги Алтын казык сен болуп,
Ойлорум сага, сага байланат.
Таңды дайым тосуп чыккан жел болуп,
Жүрөйүн жалын жүзүң аймалап.

Кайырма:
Чырактай менин сүйүүм,
Булактай менин сүйүүм.
Жалындай жүрөлүчү,
Биз эгиз жылдыздай.