Келчи жаным, жаныма келчи,
Сүйүү жөнүндө ыр ырдап берчи
Жүрсө деймин дайым жанымда.
Жүрөгүмдөсүң жалгыз сен өзүң,
Кандай сонун сенин мүнөзүң,
Сен деп ырдайм бүт ырларымда.

Кайырма:
Асманда жанган жылдызым,
Кусалыкка салбагын мени,
Жанымда жанган жылдызым,
Ырларымда ырдаймын сени.

Сенде жатат менин сырларым,
Арзуум айткан, обон ырларым,
Айлуу түндү алмаштым таңга.
Бакытымда, байлыгым сенсиң,
Бал жашоомдун баардыгы сенсиң,
Бар мүнөзүң жагымдуу жанга.

Кайырма:

Кантсем эми?
Айтчы деги...
Сүйөм сени...

Тектирге чыккан буудайды,
Теңселтип шамал ыргайбы?
Теңдиктүү ушул турмушта,
Теңтуштар, ойноп-жыргайлы.

Курбуга чыккан буудайды,
Кулпунтуп шамал ыргайбы?
Кулпунган ушул турмушта,
Курдаштар, ойноп-жыргайлы.

Жаркырап аткан таңдайсың,
Жарыгың жарык шамдайсың.
Жаш өмүрдүн күнүндө,
Жанаша чыккан талдайсың.

Кыраңга чыккан айдайсың,
Кызыл гүл болуп жайнайсың.
Кызыл гүл турса ачылган,
Кылчайып, булбул, сайрайсың.

Сапарыңдан сен кайтпай,
Экөөбүздүн жолубуз башка.
Кыйналамын, суранам сенден,
Башка сөзүң айтпа...
Көздөрүңдөн төгүлгөн,
Көрдүм өмүрүң сенин өткөн.
Жылдызы жок сезимим муздак,
Жалындары өчкөн...

Кайырма:
Адаштырган арзууларың ал жалган,
Сага жазган, жалгыз калган.
Кадамыңдын кайрымы жок алданган,
Махабаттан сен тамшанган, биз алданган.

Аттап өтүп жылдарды,
Арман кылып жүрөбүз эми.
Кыйнабагын суранам сенден,
Кайрылбагын эми.

Кайырма:

Экөөбүз жолугушкан күндөр жалган,
Эсепсиз жылдыз баскан түндөр жалган.
Эркимди байлап алган ал,
Жалган арман...

Кайырма:

Сапарыңдан сен кайтпай,
Экөөбүздүн жолубуз ар башка.

Гүл назик бүчүр жайып жашыл,
Жаз демине ачылат.
Кыз назик сүйүп калса эгер,
Махабатын жашырат.
Кусаланып жалгыз ойго чөмүп,
Кай бир кезде ирмем жаш төгүп,
Кыздын сыры, кыздын сыры
Жүрөктө катылат.

Кайырма:
Ак сүйүүгө арга жок,
Ашыктыгым артылат.
Эх, андай зор күчкө,
Адам өзү тартылат.

Сен күткөнүм байкабадың, жаным,
Арзып сүйгөн жүрөктү.
Ал кезде жүрөгүмө сүйүү,
Махабатын түнөттүм.
Сагынычым улам-улам артып,
Карегимде ыйык нур балкып,
Сен деп гана, сен деп гана
Жашаган күн өттү.

Кайырма:

"Чын сүйүү барбы?" десе, жаным,
Сени дайым ойлоймун.
Ким мендей сүйгөн болсо дагы,
Бактылуу деп болжоймун.
Адамдагы кыял өтө күлүк,
Сүйүү шамы өңдүү бир үмүт.
Ыйык мага, ыйык мага,
Өчүрбөй коргоймун.

Кайырма:

Бул насыйкат, бул насыйкат,
Бул насыйкат мага калган,
Бул насыйкат сага калган.
Калган керээз бабалардан өттү насыйкат,
Тоолордон, талаалардан, эй.

Айкашканы азынатып,
Ат жалына казан асып.
Келген элдин тилеги бул,
Улуу тарыхтын,
Чоктон ысык илеби бул, эй.

О, мезгилдин өктөмдүгү, ылдамдыгы,
Кандай кезде жаралды экен "Сынган бугу"?
Комуз кылын дирилдетип,
Бириндетип, бизге насаат ыр калдыбы, эй?

Аппак марал ыры, жаңырдыңбы сен?
Аппак марал, кайра табылдыңбы сен?
Аппак марал туяк кагат,
Журт которгон сыяктанат,
Каран күнгө, марал, кабылдыңбы сен?

Каран түнгө, марал, кабылдыңбы сен?
Конушуңдан үркүп, жаңылдыңбы сен?
Мөлтүлдөп аккан булак кайда?
Моюндаш өскөн улак кайда?
Кадырлуу журтту сагындыңбы сен, эй?
Аппак марал, эй!

Аппак марал,
Артыңдан сая түшүп жебе келет,
Көзүңдөн жер айланат, тегеренет.
Жебе келет, жөнө, демек!
Турбачы, ак марал, түңүлүп сен!
Турбачы, ак марал, түңүлүп турба,
Жебе жетпейт,
Чурка түйүлүп сен.

Аппак, ак марал, аппак марал, жеңилбечи,
Батат, батабы, батып барат өмүр кечи?
Жебе келет, жөнө, демек,
Турбачы, ак марал,
Жебе жетпейт,
Чурка, түйүлүп сен, эй!

Жанып өтөбү, жебе жетеби?
Тагдыр чыркырайт, тамыр зыркырайт.
Марал кубулуп, эй,
Кайып болуп кет эми!
Аппак марал, марал туяк кагат,
Жебе жетпейт, жетет сыяктанат,
Үмүт өчөт, үмүт кайра жанат, эй.

Бул насыйкат мага калган,
Бул насыйкат сага калган,
Калган керээз бабалардан.
Канат байлап өмүргө,
Каршы турган өлүмгө,
Карылардан санжыра,
Аппак марал жөнүндө.
Талыбайт элдик үмүт,
Карыбайт элдик ырлар.
Аппак марал, неге күлүңдөдүң?
Жакшылыктан асты түңүлбөдүң, эй!

Намыс болуп, кош канаты
Оболоп учуп талбаган,
Жеңиштерге бирге жетип,
Ынтымак жолдон тайбаган.
Жигиттериң шумкар сымал,
Бийиктик менен дос болуп,
Даңазалуу бабалардай
Көтөргүн элдин байрагын.

Кайырма:
Кыргызстан, алга, алга!
Өркүндөй бергин алгала!
Кыргызстан, алга, алга!
Бүт дүйнө уксун жардана!

Нурдан бүткөн айым-кыздар,
Жан дилин аруу баалаган.
Нарк каадалуу байбичелер,
Ырыс кут үйдү кармаган.
Үмүт болуп жоодурайт гүл,
Көз жоосун алат айланам.
Кыргызстан бакыт үйү
Түбөлүк гүлдөп жайнаган.

Кайырма:

Теңир колдоп кыргыз жерин,
Жамандык кайгы баспасын.
Кыргыз көчүн улуу жолго
Даанышман Чыңгыз баштасын.
Урпактарга мурас болсун
Ажайып Манас дастаны.
Касиеттүү кыргыз жерим
Чалкыган бийик асманым.

Кайырма:

Карайсыңбы, карабайсыңбы?
Самайсыңбы, самабайсыңбы?
Жарык нурун катып булутка,
Жашырына калган айсыңбы?

Кайырма:
Бакытымдын байрагы болуп,
Баягыдай сен жайдары жолук.
Махабаттын майрамы болуп,
Мага жолук, дагы бир жолук.

Каалайсыңбы, каалабайсыңбы?
Баалайсыңбы, баалабайсыңбы?
Оюнчуктан кызыгы тарап,
Ойго баткан баладайсыңбы?

Кайырма.

Моокумумду кандырбайсыңбы?
Ал мончоктой албырбайсыңбы?
Түбөлүккө дегдетип мени,
Төгүп өткөн жамгырдайсыңбы?

Кайырма.

Кыш болуп сезимимди үшүтпөчү,
Жаз болуп гүл жыттанып берилейин.
Жайында толуп турган айлуу түндөй,
Күзүндө жемиш болуп төгүлөйүн.

Эх, сүйүү, сүйүү, сүйүү,
Өмүрдүн таңындайсың.
Эх, сүйүү, сүйүү, сүйүү,
Жашоонун шаңындайсың.

Жакшы сөз берекеңе айланайын,
Жалбарчы жандүйнөмө байланайын.
Күтүүгө курмандыка чалба жаным,
Махабат татып жакшы бал- каймагын.

Эх, сүйүү, сүйүү, сүйүү,
Өмүрдүн балындайсың.
Эх, сүйүү, сүйүү, сүйүү,
Алоолоп жалындайсың.

Сүйүү деп капилеттен күчөбөйүн,
Оңго дейм оюң билип түтөгөнүм.
Белгисиз келген кайып махабатты,
Жалганда жамачылап бүтөбөгүн.

Гүл назик бүчүр жайып жашыл,
Жаз демине ачылат.
Кыз назик сүйүп калса эгер,
Махабатын жашырат.
Кусаланып жалгыз ойго чөмүп,
Кай бир кезде ирмем жаш төгүп,
Кыздын сыры, кыздын сыры
Жүрөктө катылат.

Кайырма:
Ак сүйүүгө арга жок,
Ашыктыгым артылат.
Эх, андай зор күчкө,
Адам өзү тартылат.

Сен күткөнүм байкабадың, жаным,
Арзып сүйгөн жүрөктү.
Ал кездеги жүрөгүмө сүйүү,
Махабатым түнөттүм.
Сагынычым улам-улам артып,
Карегимде ыйык нур балкып,
Сен деп гана, сен деп гана
Жашаган күн өттү.

Кайырма:

"Чын сүйүү барбы?" десе, жаным,
Сени дайым ойлоймун.
Кимде ким сүйгөн болсо дагы,
Бактылуу деп болжоймун.
Адамдагы кыял өтө күлүк,
Сүйүү шамы өңдүү бир үмүт.
Ыйык мага, ыйык мага,
Өчүрбөй коргоймун.

Кайырма:

Келчи жаным, жаныма келчи,
Сүйүү жөнүндө ыр ырдап берчи
Жүрсөм деймин дайым жаныңда.
Жүрөгүмдөсүң жалгыз сен өзүң,
Кандай сонун сенин мүнөзүң,
Сен деп ырдайм бүт ырларымда.

Кайырма:
Асманда жанган жылдызым,
Кусалыкка салбагын мени,
Жанымда жанган жылдызым,
Ырларымда ырдаймын сени.

Сенде жатат менин сырларым,
Арзуум айткан, обон ырларым.
Айлуу түндү алмаштым таңга,
Бакытымда, байлыгым сенсиң.
Бал жашоомдун баардыгы сенсиң.
Назиктигиң жагымдуу жанга.

Кайырма:

Сүйүүнү ким ырдабаган, жазбаган,
Сүйүүдөн ким ыйлабаган, азбаган.
Кылым ырдап бүтпөс бул ырды,
Зарина кыз эчак ырдап таштаган.

Кайырма:
Канат менен Заринанын сүйүүсү,
Жүрөктөрдө ырга айланып жүрүчү.
Өлбөс улуу касиетке эгедер,
Кылымдардан кылымга өмүр сүрүүчү.

Адамзат жок өтпөй турган өмүрдөн,
Арман да жок кетпей турган көңүлдөн.
Эки ашыктын махабаты күн санап,
Нурга айланып барат ырда төгүлгөн.

Кайырма:

Байкоосуздан сени бүгүн көрүп калдым,
Балдай таттуу махабатты ойго салдың.
Кантип ал кезди эске салбайын?
Жаштыктын жылдызы,
Таалайым, ай, таалайым.

Кайырма:
Жалгыз өтүп күндөрүм,
Сени күтүп жүргөнмүн.
Жанымда бол, сүйгөнүм,
Сүйгөнүм.

Өттү десем алгач сүйүүм эрте гүлдөп,
Азыр дагы турам неге сенден сүрдөп?
Көптөн адашкан колуң кармайын,
Ак сүйүүм элең го,
Таалайым, ай, таалайым.

Кайырма:

Койсо дагы ортобузду жылдар бөлүп,
Кыйбай турам баштагыдай ынак көрүп.
Кантип кезиксем, көзүм салбайын,
Жаштыктын жылдызы таалайым, ай, таалайым.

Кайырма:

Бир жигит жолум тороду бастырбай,
Сүйүүсүн арнап мага сөз айттырбай.
Дос кызым айтты досумдун жоругун,
Анын да жүрүптүр эшигин каккылай.
Көйрөңдүгүң ий, көңдөйлүгүң эми байкадым

Кайырма:
Жаныма келсең кылчайып карабайм,
Сүйкүмдүү сөзүңдү "сүйүү" деп санабайм.
Алдымдан чыксаң адашып жолуңдан
Алдагың келип кармаба колумдан.

Кат жаздың мага катасы толтура,
Сүйлөшөлү деп жанаша отура.
Катаңды оңдоп кадырлуу болууга,
Түшкүм да келбейт шайтандын колуна.
Көйрөңдүгүң ий, көңдөйлүгүң эми байкадым.

Кайырма:

Жылмакай жүзүң жылдызы бөлүнгөн,
Байкабас кызга баатырдай көрүнгөн.
Байкатып койбо мактанчак сөзүңдөн,
Сөз баштап ага биринчи өзүңдөн.
Көйрөңдүгүң ий, көңдөйлүгүң эми байкадым

Кайырма:

Сүрөт калат, күлүп карап,
Кантемин дейсиң, кантем дейсиң,
Аны мезгил унуткарат.
Сүйүү дебе, күйүү дебе,
Кайрылбас ал кез, баары өткөн,
Ал күндү азыр эстебе.

Кайырма:
Ал мен эмес, ал мен эмес,
Ал менден калган бир элес.
Экөөбүз барчу жолду бузган,
Сүйүү мерез, сезим мерез.

Гүлдү сунба, арман кылба,
Кайрадан баарын баштайм дейсиң,
Ал күндөр өткөн, сагынба.
Өчүп санаа кетет бара,
Экөөбүз түшкөн сүрөттөрдү,
Суранам, эми караба.

Кайырма: