Жагымдуу сенин кулкуң,
Кыялдарың миң түркүн.
Ааламда баары сен үчүн.
Табышмак сенин сырың,
Жанырат булбул ырың.
Сезимге бөлөп бардыгын.

Кайырма:

Таңдай, жаңы аткан таңымдай.
Кайдан келдиң Наринай?
Таңдай, агарып аткан таңдай.
Жаздай, жыпар гүлдүү жазымдай.
Кандай жансың Наринай?
Жаркып, жаркып келген жазымдай.

Бийле, бийле, бийле бийикке алгалай.
Наринай, Наринай!
Бийле, бийле, бийле бийикте жаным ай,
Наринай, Наринай!

Жалындуу сезим жанат,
Жан дуйнөңдө махабат.
Алдыга сени чакырат.
Келечекте куч кубат,
Ар дайым курчап турат.
Бул жашоо кызык саякат.

Жаратканым сени колдоп,
Берсин аруу тилегин.
Жакшылыктар сени жолдоп,
Сага болсун тирегиң.
Ийгилигиң эгиз болуп,
Демин берсин жаныңа.
Кубантып сени дайыма,
Кубантып сени дайыма.

Болсун,
Бакыт кушу сага консун.
Жаркыра маанай,
Сенде болсун бак-таалай толсун,
Махабатка жүрөк толсун.
Жароокер кыз ай,
Наринай, Наринай!​

Дүйнөгө тарап тамыры,
Маалымдап түркүн тагдырды.
Мекениң, эл-жерди даӊктап,
Алдыӊа койгонсуӊ бир максат.

Бүгүнкү учур талабы,
Гүлдөп интернет ааламы.
Умтулуп алдыга дайым,
Кылым басып өтсүн кадамыӊ.

Кайырма:
SUPER.KG, сен жалында,
Жагымдуу кабар берип калкыңа.
Күн-түндөп иштеп, баркыӊ бийиктеп,
Бааласын сени журтуӊ да.

Замандын болуп күзгүсү,
Жакшынын болуп үлгүсү.
Өркүндөп, гүлдөдүӊ жаздай,
Өз жолунду ула, алгалай.

Дем берип элдин колдоосу,
Кабардын болуп чордону.
Маалымат-маанайшат портал,
Максатыңа жеткин талыкпай.

Кайырма:

Маанайды көтөргөн келди бизге маалымат
Жанды жыргаткан super.kg порталдан.
Жылдан-жылга колдоп турат бизди дайыма,
Жаңыланып кабарлар тарайт кыргызымдын баарына.
Жаштарга да, улууга да, алыска да, жакынга,
Айылга да, шаарыңа да, окуп жаткан адамга.
Алга карай жашагын сен, кадам салып далайга,
Анткени маалымат-маанайшат портал жаныңда.

Кайырма:

Канат күүлөп учтук биз уядан,
Кайда болсом дагы жараткандан,
Жакынымды сакта деп суранам.
Жанын сактай жүр,
Жүзүн каптап нур
Барсың асманымдын ачыгына,
Теңдеш бир боорумдун жарымына,
Билем сен жетесиң бакытыңа.
Сен бакытыңа,
Сен бакытыңа.

Кайырма:
Жолукканда күтүп, жанынан шаң тараган,
Сөз түгөнбөй күлүп, сүйлөшүп тажабаган.
Эже-сиңди болуп, ээрчишип биз жүрөлү,
Эң жылуу бул сезим жүрөктү аралаган.

Өчпөй бала кезде эсте калган,
Бакыт ирмемдерин кармай алгам.
Кандай бакыт бизге тең жаралган,
Сырдашканым сен,
Муң жазганым сен.
Жандап кыйын күндү унуттурган,
Далай жакшылыгың билип турам.
Дайым бул достукту бийик тутам,
Бийик тутам мен,
Билип турам мен.

Кайырма:

Сырларымдын эң көбүн,
Жалгыз бир сен билесиң ачып маанай.
Турмуш бизди бөлбөгүн,
Татып, ар дайым, дайым бакыт-таалай.
Бир туугандай

Ак таңдай жылмайган
Асманым өзүң белең?
Белегин бергендей
Бул кызык өмүр деген.
Сен барда менин жанымда,
Ыраазымын бактыма.

Кайырма:
Жаным бакытым таптым эми гана,
Жаным арнайсың бүтпөс сезим мага,
Бир сен бар үчүн, билсең бар күчүм.

Ой кыял учканда,
Оронуп булуттарга,
Жаңырып нурдан да,
Айлансак тунук жанга.
Сен барда менин жанымда,
Ыраазымын бактыма.

Каякта бийик адамдык,
Жарыкка неге жаралдык, ким билет?
Жалындап эми жашагын,
Жакшылык элге жасадың, күн билет?
Жаңы, жаңы, жаңыра,
Ырга, нурга жанды бөлөп дайыма жадыра.
Дагы, дагы, дагы да,
Элге, жерге, күйүп-жанып, сүйүүгө дарыла.

Кайырма:
Жайнагыла! Ар бир күн айлангыча майрамыңа!
Талбагыла талпынып бакыт кушун кармагыла
Балаңа мурастай, бактарды кулатпай таягыла
Көрк кошот талайыңа!
Жабыкса табигат каяктан табылат аягыла
Өмүрдөй баалагыла!

Уюган алтын оюбуз
Узунбу деги жолубуз ким билет?
Жебедей алга атыла
Кайда барам ашыга түн билет?
Жаңы, жаңы, жаңыра,
Ырга, нурга жанды бөлөп дайыма жадыра.
Дагы, дагы, дагы да,
Элге, жерге, күйүп-жанып, сүйүүгө дарыла.

Кайырма:

Кара түнгө батып,күйүнбөгүн көңүл чөккөн кезинде
Кабагыңды ачып күн жашасын күйүп-жанып сезимде!


Кайырма:

Эмне күнөө табышкан тагдырга?
Эки дүйнө бир асман алдында.
Оюн эмес, сүйүүгө кабылган,
Ортобузга түшпөсүн чагылган.

Кайырма:
Эки жүрөк, көздөгөнү бир тилек,
Кубанычка батпай.
Эки жүрөк айрылбастан бир жүрөт,
Кыйындыктан качпай, сүйүүдө...
Эки жүрөк, эки жүрөк...

Улуту жок чыныгы сүйүүнүн,
Даңазалап адамдын бийигин.
Жалгыз асман, бөлбөйлү экиге,
Бүтүн дүйнө, салайын эсине.

Кайырма:
Эки жүрөк, көздөгөнү бир тилек,
Кубанычка батпай.
Эки жүрөк айрылбастан бир жүрөт,
Кыйындыктан качпай, жашоодо...
Эки жүрөк, эки жүрөк...

Бийиктен жамгыр болуп себелегенде,
Булутмун сени жандап көктөн караган.
Сүйүүнүн сыйкыры бар, себеби сенде,
Кайтарам ал күндөрдү кол кармашкан.

Кайырма:
Айдайым жай күнүндөй бир маанайың жаркыраган.
Ар дайым жүзүңдөн нур бир сыласа жалтыраган.
Жытыңа куса болуп мен, көңүлдөш карлыгачым.
Жел менен сагынычтан мен бир сага калкып барам.

Созулуп сүйкүм сенин сүйлөгөнүңдөн,
Жылмайсаң канат бардай өндөнөмүн мен.
Келечек күндөр биздин алдыда болсо,
Өзүңдөн жашаганды үйрөнөмүн.

Кайырма:

Жашоомдун жарык кылган шам чырагысың,
Жамгырдын жүздөн сүйгөн тамчыларысың.
Тагдырга таазим кылып моюн сунбаймын,
Баары бир мендик кылам карлыгачым.

Кайырма:
Бүгүндөн, жаңы кадамдан, жол салып сага барам,
Бир болуп ойлорубуз да, булутту аралаган.
Кармашкан колдорубуз, да үзүлбөс болуп турса,
Сүйүнүч толгон коздөрүм башканы карабаган.

Ат арыбас болсочу,
Жаш карыбас болсочу,
Жаратканы чын болсо
Жайжайына койсочу.

Чөп куурабас болсочу,
Көл тунарбас болсочу.
Кызыл өңдөн нур кетип,
Кыз кубарбас болсочу.

Жибек оңбос болсочу,
Жигит өлбөс болсочу.
Жигит менен кыз өлсө,
Жерге көмбөс болсочу.

Кайран өмүр жыйырма беш,
Жашка барар болсочу.
Кайран жашты кол менен,
Жасап алар болсочу.

Жашоого жарык шам жандырган,
Жылуулук берген муздатпай.
Жылмайып дайым кубандырган,
Апакебай тазалыгың булактай.

Элесиң кетпейт көз алдымдан,
Сагынамын алыстасам,
Жаңылбайм билем тагдырымдан,
Жалгыз сага кызматымды арнасам.

Кайырма:
Аралыгы узап өтсө дагы ай-жылдардын,
Суранамын мени ыйлап сагынба.
Апакебай алтыным суранам кайгырбагын,
Көңүлүм дайыма сенин жаныңда.

Чырактай көздөр жана берсин,
Мезгилиң шашып учса да.
Жаш болуп жүрөк кала берсин,
Карылык жолуңда күтүп турса да.

Кайырма:

Кайгы-капага мен үчүн багынба,
Мен деп кусаланба, жаныңдамын сагынба.

Кайыра:

Махабатым тартынамын айта албай,
Кездешүү айласын таба албай.
Көздөрүмдөн сезимимди байкабай,
Жылмайып өтөсүн арман, ай.

Кайырма:
Мен сени көрүүгө шашып,
Көрүшсөм наздуу басып,
Өтөм көз нурун чачып.
Сен кылыгым көрсөң деле,
Байкабай өттүң неге,
Суйүүң балким бар беле?
Таңда-кечте...

Жалгыз сени ойлоймун,
Тагдырым бир сага болжоймун.
А, сен неге жылмайып койбодуң,
Баары бир ээлеймин ойлоруң.

Кайырма:

Күткөнүм баштагыдай,
Келбейсиң, аны билем.
Сен дагы сагынбайсың,
Салбайсың кызганч жүрөк.

Кайырма:
Менин да дайрам бир күн
Сүйүүдөн толкуп-ташар.
Ордуңду жүрөктөгү
Өзгөлөр толукташар.

Эскиртет мезгил баарын,
Турмуш шарт түйшүк-төмөн.
Жолукпайт жолдорубуз,
Мен буга кылбайм күнөө.

Кайырма:

Билбепмин сезимге да
Билинбей кеч кирерин.
Унутуп кусалыкты
Сүйүүлөр эскирерин.