Бул күндөр да өтүп кетер,
Кыйналган жандардын үнү жетер.
Баркын билбей бул жашоонун,
Жашадык заманда "өзүм" деген.
Бул сыноолор өтөт, кетет,
Жамандын артынан жакшы келет.
Абалыңды сурай турган,
Бул күндө адамга адам керек.

Узак жолду улап келген,
Ар бир таң өзгөчө кубат берген
Канча кыйын күн келсе да,
Адамбыз баарына чыдап келген.
Бул сыноолор өтөт, кетет,
Жамандын артынан жакшы келет.
Абалыңды сурай турган,
Бул күндө адамга адам керек.
Күндөн дагы, суудан дагы
Эң кымбат адамга адам керек.

Сабыр керек сынбай турган,
Жакшы күн бар али, улай турган.
"Чыңалсын",-деп адамзатты,
Сыноолорду Кудай сунган.
Бул сыноолор өтөт, кетет,
Жамандын артынан жакшы келет.
Абалыңды сурап турган,
Бул күндө адамга адам керек.

Адам жөлөк курбусуна,
Себепкер жаркыган турмушуна.
Кыйын күндө бирге өтөт
Таянып "эл" деген уул-кызына,
Ынтымакта жеңе турган
Кайрат бер, сабыр бер Кыргызыма!
Бул сыноолор өтөт, кетет,
Жамандын артынан жакшы келет.
Абалыңды сурап турган,
Бул күндө адамга адам керек.

Бийигиңе сөз жеткис, аруу жансың ай,
Асылындай асылдын, кубатымсың жан курбум.
Кайрыгындай ушул жакшы ырдын,
Жарык чачып дайыма, жөлөгүмсүң ай,
Тирегиндей бактымдын, жанымдасың жан курбум.
Тартуусундай ушул тагдырдын,

Кайырма:
Аа-ай, кыйбасымсың, сырдашымсың жан курбум,
Кайрыгысың биздин жакшы ырдын.

Ачып сага бүтүндөй жүрөгүмдү ай,
Тең бөлүшкөн сырдашым, көңүл баккан жан курбум.
Бийик сага сыйым-урматым.
Бакыт берген сезимге балалыктын ай,
Бирге бастык жылдарын бул өмүрдүн жан курбум.
Бир көрөлү дагы жыргалын.

Кайырма:
Аа-ай, кыйбасымсың, сырдашымсың жан курбум,
Бир көрөлү өмүр жыргалын.

Аа-ай, кыйбасымсың, сырдашымсың жан курбум,
Бир көрөлү өмүр жыргалын.

Аа-ай, кыйбасымсың, сырдашымсың жан курбум,
Кайрыгысың биздин жакшы ырдын.
Кайрыгысың биздин жакшы ырдын.

Биз жолуктук, качан, билбейм, үмүтүм,
Жүрөк отун бийлеп алдың сен бүтүн.
Бир гана эмес, тагдырга миң,
Тагдырга миң, таалайыма ырахмат.
Бизди кошкон,
Ошол айлуу, ошол жыргал,
Ошол бейпил түн үчүн.

Мен жашоодо канча жолу ыйладым,
Бакыт издеп, өзүмдү өзүм кыйнадым.
Жолукканда карай берип,
Карай берип, карай берип көзүңдү.
Кубанычтан көөдөнүмө,
Көөдөнүмө көлкүлдөдүм, сыйбадым.

Ошондогу сулуулугу, ай, дүйнөнүн,
Мен Жер шарын чарк айланып жүргөнмүн.
Билбесем да бар экенин,
Бар экенин бул дүйнөдө ак сүйүү,
Мен өзүңө качандыр бир,
Бир убакта жолугарым билгенмин.

Билбесем да бар экенин,
Бар экенин бул дүйнөдө ак сүйүү,
Мен өзүңө качандыр бир,
Бир убакта жолугарым билгенмин,
Жолугарым билгенмин.

Биз жолуктук, билбейм, качан, үмүтүм,
Бийлеп алдың жүрөк сырын сен бүтүн.
Жолукканда бир жолу эмес, тагдырга миң,
Тагдырга миң ырахмат.
Бизди кошкон, өмүр бою
Ошол бейпил, ошол бейпил күн үчүн.

Мен өмүрдө даалай жолу ыйладым,
Мээрим издеп, өзүмдү өзүм кыйнадым.
Жолукканда ошол күнү,
Эң биринчи, эң биринчи өзүңө,
Көңүл дегдеп, жүрөк толкуп, жүрөк толкуп,
Көөдөнүмө сыйбадым.

Ошондогу сулуулугу, ай, дүйнөнүн,
Мен Жер шарын бүт айланып жүргөнмүн.
Бул дүйнөдө, бийик кармап,
Ыйык сүйүү, ыйык сүйүү желегин,
Мен өзүңө эрте-кечтир,
Жолугарым, жолугарым билгенмин.

Бабалардан калган сүйүү ыргагы,
Бул жашоонун көркү көңүл ачууда.
Өмүр шаңы экөөбүзгө тең орток, ай,
Сен туш болдуң, жаным, көңүл назына.

Сенсиз көрккө келбейт,
Жазгы тентек желдей,
Жансыз күндөр өттү баасы ирмемдей.
Билчи, жаным, билчи,
Жан дүйнөмө кирчи,
Сени күткөн бакыт эшигин ачып киргендей.

Бир берилген шаттуу өмүрдө,
Кир кетпесин аруу көңүлгө.
Бул жашоодо өкүнүүлөр аз болор, ай,
Ак куу мисал сүзсөк жаштык көлүндө.

Бул өмүрлөр өткөн, өтө да берет,
Конок сымал коомай карап турсаң да.
Максаттардын сересине умтулуп, ай,
Ай жылдызга сермеп колду сунсаң да.

Назик көркү гүлдөй,
Керемети күндөй,
Чоң сүйүүгө жолугууну тилеймин.
Өмүр наркы бизден, көңүл наркы бизден,
Майда адам майда сүйгөндөй майда сүйбөйлү.

Чындык ошол жашоо шартында,
Эмне жетсин бийик арзууга!
Мен да сага аппак сүйүү берейин, ай,
Сен да мага аппак сүйүү тартуула.
Мен да сага аппак сүйүү берейин, ай,
Сен өзүңдү мага бүтүн тартуула.

Ырдабачы, суранам ушул ырды,
Эске салып жоголгон махабатым.
Көп күтүүдөн саргайып араң тапкан,
Кездешүүбүз бүгүнкү мага жакты,

Ырдабачы, суранам ырыңдагы,
Кеч күздөгү кайыңдай тонолууну.
Каректерде айыпсыз сезим калсын,
Кайырмасын созбочу жоголуунун...

Ырдабачы, суранам ушул ырды,
Коштошууну туралы капарга албай.
Эки башка жол күтүп, эртең кайра,
Тагдыр бөлгөн жактарга сапар алмай,

Ырдабачы, суранам ырыңдагы,
Кеч күздөгү кайыңдай тонолууну.
Каректерде айыпсыз сезим калсын,
Кайырмасын созбочу жоголуунун...

Уланып ойноп жашынмак,
Убакыт учту закымдап.
Өзүңө жүрдүм берилип,
Өзгөчө сүйүүм калыңдап.
Ак тилек ойду бекиттик,
Ак сүйүү оту жалындап,
Ак сүйүү оту жалындап.

Ак таңдай болуп нурданып,
Ак гүлдөй болуп ыргалып.
Канчалык катуу айтсаң да,
Каршы сөз айтпай жылмайып.
Жүрөгүм сен деп какчу эле,
Жүзүңдү бурдуң, кимде айып?

Окшошпой күндөр бирине,
Ой басып жүрдүм күнүгө.
Убайга салдың, кантейин,
Уу кошуп тунук сүйүүмө.
Көңүлүң болуп башкада,
Гүл коштуң сүйүү гүлүнө,
Таш коштуң сүйүү гүлүнө.

Кызыл гүл, менмин кызыл гүл,
Кылчайбайм эми, өзүң бил.
Ачылган сендик гүл элем,
Агарбай калды эми дил.
Табигат берди жардамын,
Таңшы деп талбай кызыл гүл,
Кыйнадың кантем, өзүң бил,
Кызыл гүл, менмин кызыл гүл.

Өрттөнүп кетели,
Өкүнгөн кеч эми,
Үйдөмүн жалгыз,
Үнүм сага жетеби?
Мурда сезим өрт эле,
Муздайбы эрте эле?
Мелтиреп жашыдым,
Мен канча мертебе.

Күндөргө кечээги
Жүрү кетели,
Керек болсо кечели от, деңизди…
Жашыл жазбы махабат мекени?
Жалындап жетели,
Жүрү кетели.

Жан батпай тоолорго,
Жай таппайм коёрго.
Жоготпо мени,
Өзүң дагы жоголбо.
Жүрөгүмдү сен эзе,
Күттүрбө эмесе.
Жолуңа телмирген
Көздөрүм – терезе.

Күндөргө кечээги
Жүрү кетели,
Керек болсо кечели от, деңизди…
Жашыл жазбы махабат мекени?
Жалындап жетели,
Жүрү кетели.

На ладонь, как в сказке упадет
Снежная пушинка прямо с неба.
И закружит хоровод из звезд –
Праздник самый главный – Новый год.
Заблестят на елке все огни,
Волшебство стучится в твои двери.
Чудо может в каждый дом войти,
Если очень в него верить.

С новым годом! С новым счастьем всех!
За окном волшебный снегопад.
Пусть удача, радость и успех
Будут с нами каждый день подряд.
Новый год снова встретим вместе,
Бьют часы опять двенадцать раз.
Загадай желанье улыбнись,
Мир светлее от сиянья глаз.

Кружит снег искристый за окном,
А под елкой спрятаны подарки.
Мы, как дети, снова сказку ждем
И пылает сердце жарко.
Напишу волшебнику письмо,
Пусть исполнит все мои желанья.
Миром правит пусть всегда добро.
С новым годом поздравляем!

С новым годом! С новым счастьем всех!
За окном волшебный снегопад.
Пусть удача, радость и успех
Будут с нами каждый день подряд.
Новый год снова встретим вместе,
Бьют часы опять двенадцать раз.
Загадай желанье и улыбнись,
Мир светлее от сиянья глаз.

На ладонь, как в сказке упадет
Снежная пушинка прямо с неба.
И закружит хоровод из звезд –
Праздник самый главный – Новый год.