Учуп жургөн ак куудай
Көрүнөсүң көзүмө
Сени мен эч кармай албай
Канат тосуп сөзүмө
Неге мени алдадың
Ачык сөздү айта албай
Балким башканы сүйдүң
Же мени сен жактырбай

Кайырма :
Оо, Нуриза сүйгөнүм сен
Нуриза түшкө кирчи сен кайра
Нуриза көргүм келет көзүңдү,
Нуриза, уккум келет сөзүңдү.

Зымыр этет телефон
Алло, алло ким экен?
Алло, алло мен Чолпон
Нуриза келбейт экен
Эмне үчүн айт Чолпон
Нуриза келбейт экен
Тамашалайт сөз жоктон
Калп айтам мен Нуриза.

Акыркы ырым болсо да,
Сен үчүн бул жаралды.
Терс бурулуп карасаң да,
Укчу менин ырымды.
Канча ирет мен кайталаймын,
Кайгыртпа жалгыз мени.
Эми барууга суктанбайм,
Болду мен эми сүйбөйм сени.

Кайырма:
Кош бол, сүйүү, азыр сен мага бөтөн,
Мени алдап сен сүйгөн,
Мага сен түшүнбөгөн,
Сулуу кыз элең.

Сүйүүдө болот коштошуу,
Бирок сен жакшы билсең.
Жүрөгүмдөгү кайгыруу,
Эстен чыкчу сен кетсең.
Балким, башканы сүйөрсүң,
Бактылуусуң сен анда.
Эми сен башка чүрөксүң,
Мен жок бөтөн жаныңда.

Кайырма:

Сүйөм жаным деп, сен мени алдап,
Ак сүйүүмдү жерге таштадың.
Мага билдирбей ашыкча тандап,
Кучагына кирдиң башканын.

Сезбей алданып, мен жүргөнүмдү,
Бул жашоодо катуу жаңылып.
Арнайм башкага мен жүрөгүмдү,
Эми сага барбайм жалынып.

Кайырма:
Жок, жок, жок сенин керегиң жок мага
Жолумдан тосуп кечирим сураба
Жашоодо кыйналсаң да, жаш төгүп ыйласаң да
Эми ишене албайм мен сага.

Жүрөк жибитип сен күлүп койсоң,
Көрүнчүсүң жанган жылдыздай.
Эгер мурда сен ак гүлүм болсоң,
Азыр калдың бейтааныш кыздай

Сүйөм жаным деп сен мени алдап
Ак сүйүүмдү жерге таштадың
Мага билдирбей ашыкча тандап,
Кучагына кирдиң башканын

Кайырма:

Кыялымда кайкып учуп асманда,
Ашуу, аска-тоолор аралап.
Учуп барсам менин алтын апама,
Кучагына батсам талпына.
Ишен, апа, сөздөрүң бүт жүрөктө,
Тумар кылып, апа, тагынам,
Медеримсиң жүрөгүмдө бир өзүң,
Берекем, апам, сагынам.

Апаке, сени сагынам,
Мээримиң чексиз баарынан.
Алтыным апам, сагынам,
Мээримиң чексиз баарынан.

Балаң үчүн канча түндөр уктабай,
Мээрим чачып түндөр кечирдиң.
Ак сүтүңдү актаар бекем, апаке,
Асылым, апам, сагынам.

Апаке, сени сагынам,
Мээримиң чексиз баарынан.
Алтыным апам, сагынам,
Мээримиң чексиз баарынан.

Ушунчалык жакшы көрүп бала кезимден,
Мектебимде эң бир жакшы кыз.
Айлар өтүп, жылдар өтүп бизге сезилбей,
Он сегизге толду жашыбыз.

Кайырма:
Ата-энеңдин сөзүнөн сен чыга албадың,
Айласыздан мен байкуш мени алдадың.
Түбөлүкө коштоштук, сен бөлөкө баш коштуң,
А мен сага жете албадым.

Күтөмүн деп кол булгалап көз жашың төгүп,
Сез узаттың мени аскерге.
“Бир көрөсөм деп алтым” деп сен мага жазып,
Сүйүп жүрдүм мен алыс жерден.
Кайырма:

Кармалып куру доомат менен,
Кылмышкер атка кондумбу мен.
Окулуп адилетсиз өкүм,
Айыпкер жазалансын деген.

Көз жашын төгүп байкуш энем,
Арытып өмүр ансыз деле.
Жалгызың болуп дайым сенин,
Жаныңда жүрсөм болбойт беле.

Асыл ой максат ойрондолуп,
Жамандык келет тоодой болуп.
Эркиндик күндөр сыртта калып,
Жүрөгүм менин муңга толуп.

Ыйлабачы сен байкуш энем,
Кыйнадым сени ансыз деле.
Көлөкө болуп жүрбөй сага,
Көрөрүм менин ушул беле.

Кайырма:
Бул дүйнөң жалган болсо эгер,
Адилет бир күн жеңип келер.
Мен жөнүндө да балким бирөө,
Ачыгын элге айтып берер.
Эл селсаякты эскерер,
Эскере турган кез келер.

Таш дубал менен калган кишен,
Мокотуп мени кыйнайт билем.
Жөлөгүм менин жалгыз үмүт,
Ак ийилсе да сынбайт деген.

Кечиргин мени байкуш энем,
Кеч болуп калды ансыз деле.
Сүймөнчүк болуп дайым сени,
Сүйүнтүп жүрсөм болбойт беле?.
Кайырма:

Сен күткөн жалгыз, мен жок жаныңда,
Күтөсүң келет деп мени сулуу кыз.

Жок сен тарынба, укчу сахнада,
Кечирим сурап ырдаймын мен сага.
Жок сенин күнөөң ушул кечте,
Өзүңдү калтырып жалгыз мен ушул кечке.

Кайырма:
Жанна кечирип кой садага,
Жанна сүйүү болсун арада.
Куйулган уу бокалда сынып калсын,
Жер бетиндеги жанга сүйүп калсын.

Жанна сен алыс, учуп бара албайм,
Ушул микрафондон сени сүйөм деп мен кайталайм.
Жарыктык шооласы сени жараткан,
Кыйналган кыл сага карап ырдаган.
Жарып салсын от жалы бул жүрөктү,
Бирок корком сенин сүйүүң менден үзүлдү.

Өзүңсүз мен көпкө жүрбөй,
Өмүр сенсиз өтпөчүдөй.
Ойлорумда жалгыз сен гана,
Жыл айланса күн өткөндөй.
Таң атканча уйку көрбөй,
Көз алдымда чексиз айлана.
Эң биринчи махабаттан,
Мен жүрөмүн кача албастан,
Сен сейилдеп күлгөн чагыңда.

Сезилбестен жеңип жалган,
Сени менден бөлүп салган.
Жан үшүткөн салкын жел өтсө,
Бар сүйүүмдү азап кылган.

Байлыктарга азгырылган,
Сен көпөлөк учасың көктө.

Башкалар да билип алсын,
Акчага сен бузулгансың.
Адаштың да кеттиң алыска,
Жаз түгөнүп жай өткөндө.
Жашай албай сен көктөмдө,
Таң алдынан күтөсүң мени.

Толкунданып жаткан океандай,
Уйгу-туйгу менин жүрөгүм.
Кусалыгым, жаным, тынчый албай,
Унута албай сени жүрөмүн.
Байкабастык кылсам мен эгер,
Бактым болуп мага келе бер.
Кыйнабачы сенден суранарым,
Кыялымда дайым жүрө бер.

Кайырма:
Ардагым сен, сен,
Ажарың көрктүү жаз белең?
Дайыныңды мен ар бир жерден издей берем.
Арманым сен, сен,
Ак жамгыр өңдүү аз белең?
Сыздап келем, өзүңдү мен самай берем.

Булбул үнүн уксам, аны сен деп,
Гүлдү көрсөм сага окшотом.
Кимге барып айтып арманымды,
Кимге барып сени жоктосом?
Түшүнбөстүк кылсам мен эгер,
Түйшөлбөстөн мага келе бер.
Кыйнабачы сенден, суранарым,
Кыялымда дайым жүрө бер.

Кайырма:

Ишенбестик кылсам мен эгер,
Ишен, жаным, мага келе бер.
Кыйнабачы сенден суранарым,
Кыялымда дайым жүрө бер.

Кайырма:

Балбылдап күйгөн чырагым белең?
Асылым дешкен ынагым белең?
Дүйнөдө таппас жыргалды берген,
Жылаажын үндүү ыргагым белең?

Кайырма:
Жаштык, жаштык, жалынга баттык,
Кайрылчы, тагдыр, кылбачы кастык.
Бир карап койбой жаныман өттүң,
Кыйбадым чындап сүйүүнүн өртүн.
Түгөйүм болуп түбөлүк жүрбөй,
Жазыксыз туруп, жабыркап өчтүм.
Тагдыр, тагдыр, табарың бардыр,
Махабат үчүн өчүрбөй жандыр.

Балбылдап күйгөн чырагым белең?
Асылым дешкен ынагым белең?
Дүйнөдө таппас жыргалды берген,
Жылаажын үндүү ыргагым белең?

Кайырма:

Коюу түн мемиреп,
Керемет сезилет.
Мезгилден сыр сурап,
Жүрөктөр качан кезигет?
Түңүлтпө, жаным, мени,
Көңүлдүн сүйгөн теңи, келчи,
Күчтүүбү жаштык деми, ай, эркем?

Кайырма:
Басамын жети астап,
Бакытым айыл жакта, сен жакта.
Чардактар сермеп канат,
Көркөмү көлгө тамат,
Түбүнөн ай жана.
Жарыгым, жаркып мени,
Жабыркап бүттүм деги, келчи,
Күтөмүн сени.

Эркелеп шамалга,
Бий бийлейт жалбырак.
Толтура сүйүүмдү,
Бөлүшөр бекен жазгы убак?
Саналуу саптар учат,
Кайрылбай алыс узап, түн узак,
Толкунун көлдүн карап, ай, эркем.

Кайырма:

Деңиз бою, сентябрь,
Махабат жана жамгыр.
Биз өткөргөн ошондогу күндөр,
Мен үчүн кино.
Рояль түнү, маэстро,
Ромео, Жульетта.
Ресторанда биз жана сен сүйгөн,
Алчалуу вино.

Кайырма:
Мен өзүмчө ошол күздөн,
Биз экөөбүз бирге өткөргөн,
Саргайыңкы кезди эңсеймин бүгүн.

Романтика, фортуна,
Жүрөктүн ортосунда.
Махабатым менин китеп болуп,
Жазылган роман.
Сүйүү, балким, жалгандыр,
Балким, ал күзгү жамгыр.
Сен үчүн ал күндөр жаштык болсо,
Мен үчүн арман.

Кайырма:

Сенсиз жаным,
Менин өмүрлүк жарым.
Жашоонун кызыгы жок бул дүйнөдө,
Сүйүү шооласын мага чачып турган.
Күн болуп бир өзүңсүң, сен гана,
Сенсиз жаным,
Менин өмүрлүк жарым.
Мынчалык бакыт болбос үй-бүлөдө,
Жашайсың чоң күч-кубат берип мага.

Кайырма:
Тилегеним экөөбүздүн ак сүйүүбүз,
Жашай берсе деп кылымдарга.
Сүйүү гүлүн, бүт өмүрүм,
Арнаймын мен бир сага.

Кайсы жерде жүрсөм да оюм сенде,
Жүрөгүм кумарланат сага тартып.
Көргөнчө шашыламын көз алдыма,
Элестеп жүзүң аппак, татына.
Кайсы жерде жүрсөм да оюм сенде,
Өзүңө күндөн-күнгө сүйүүм артып,
Айтарлык ыраазымын мен бактыма.

Кайырма: