Сен менин жазылбаган ырларымсың,
Сен менин айтылбаган сырларымсың.
Туйлатып жүрөгүмдү алоолонткон,
Сен менин жаштык жалын жыргалымсың.

Сен менин көк деңизим чалкып жаткан,
Үстүндө ак куу ойноп, чардак учкан.
Эң назик эрке сезим кылдарындай,
Сен менин келечегим бакыт ачкан.

Сен менин ак кептерим калкып учкан,
Сен менин мөл булагым чалкып жаткан.
Ыраазымын миң мертебе тагдырыма,
Өмүрдө издеп жүрүп сени тапкан.
Дүйнөдө издеп жүрүп сени тапкан

Келбедим былтыр неге Ысык-Көлгө?
Өкүндүм, аттиң, ай, деп келбегенге.
Мен азыр көргөнүмдүн бирин койбой,
Айтармын көлдүн жайын көрбөгөнгө.
Айтармын көлдүн жайын көрбөгөнгө.

Мен сүйдүм Ысык-Көлдү ашыгымдай,
Жерде жок, көктө турган асылымдай.
Мен сүйдүм элим сүйгөн жакшы ырдай,
Уялаш баары бирге жакынымдай,
Кыйышпас баары бирге жакынымдай.

Ысык-Көл бейишиндей бул жалгандын,
Көңүлүн көкөлөтөт барган жандын.
Жыргал бейм жылуу сууң, алтын кумуң,
Өзүңдөн өмүр бою кубат алдым.
Сагынып келе берем Ысык-Көлгө.

Дүйнөнү сулуулук сактайт десе,
Сезилчү баёо сезим ишеничте.
Сулуулуктун жүзүн ача билүү,
Чебердин колунан келген нерсе.