Сүйлөсөң сүйүп,жаным арбалам,
Сен күлсөң ичим, кайнап арашан.
Сулуу селки айтчы, эми не кылам,
Сенин үнүң сүйүп,калдым каражан.

Кайырма:
Каражан каражан,
Жанымда ак жоолукчан.
Жарашат сага жан,
Жанашып бирге турсам.
Каражан каражан,
Жашоомдо бир жоолуккан.
Жар болчу мага жан
Жамалы жаркылдаган.

Көздөрүңдү көрбөй,калсам сагынам,
Көңүлүмдөн кетпей,койдуң аруужан.
Көргөн сайын сүйгүм,келет жүзүңдү,
Көрүшүүгө макул,болчу каражан.

Өрүлүп түшкөн,кара чачыңдан,
Өрттөнүп күйөм,сенин айыңдан.
Өзгөрүлбө сенден,жаным суранам,
Өмүрүмө шерик,болчу каражан.

Бактысыз жаным, бактылуу болгун,
Бош эми жолуң, бош эми колуң.
Таалайлуу болгун, тагдырлаш жолум,
Талкалап кетти тартылган торун.
Ызгаарлар учуп, уямды бузуп.
Ууланды сүйүүм, демимди кысып,
Ушуга жетти, турмуштун кеги,
Кечирдим сени, кечиргин мени.

Кайырма:
Жүрөгүм жалын, өрттөнүп багым.
Жүдөдү жаным, сынганда шагым.
Кош бол сүйгөнүм, кош бол сүйгөнүм.
Буйруксуз жарым, буйрубай калдың.

Кериле тарткан, көшөгө бошоп,
Көгөрбөй калды, көктөсө болмок.
Жылдыздар жанбай, жылуулук таппай,
Жылт этип өчтү, армандуу боздоп.
Жүрөк кылдары, муңдуу ырдады,
Жаштык жылдары, жаным кыйналды.
Жашоого көнүп, жазганын көрүп,
Жашап келемин, жалыным төгүп.

Кайырма:

Бак ичинде жүрөсүң күлүп-жайнап,
Бажырайган көздөрүң алды арбап.
Байкабадың жанымдан өтүп жатып,
Бажырайган кызыл гүл колго кармап.

Кайырма:
Кызыл гүлүм ай, кызыктырдың ай,
Аппак гүлүм ай, алгач сүйүүм ай.

Көлөкөдө жүрөсүң күлүп-жайнап,
Көңүлүңдү койбодуң го мага арнап.
Чоктой беле көздөрүң күйүп-жанган,
Гүлдөрүңдөн сунуп кой мага арнап.

Кайырма:

Гүл жытына мас болуп термелемин,
Ок аткандай мен өзүңө сермелемин.
Кокус сени чочутуп албайын деп,
Арт жагыңан акмалап мен келемин.

Кайырма:

Сулуусуң сен элдин баары карашкан,
Жигиттер сени самашкан.
Каректер дайым талашкан,
Жагымдуусуң сен.
Сулуулукту курал кылып колдондуң,
Сезимди алдап ойнодуң,
Оолуттуу карап койбодуң,
Жеңил ойдосуң...

Кайырма:
Жигиттен жигит тандадың,
Жасалма сүйүү арнадың.
Чырмалып жалган жашоого,
Өзүңдү сен алдадың.
Сүйөм деп байды алдадың,
Сулуу деп жашты кармадың.
Туруксуз сүйүп акыры,
Жалгызсырап сен калдың.

Мезгил өтсө кетет сырткы сулуулук,
Сүйгөндөр кетет бурулуп.
Жүрөктө калса жылуулук,
Бактылуусуң сен.
Убакыт бар бактыңды сен кармагын,
Сүйүүнү жалгыз баалагын.
Өзүңө теңди тандагын,
Азыр кеч эмес...

Издеп жүрүп кыялымды,
Капысынан таптым, дароо жактың.
Эч ийилбес жүрөгүмдүн
Тилин кантип таптың, өзүңсүң бактым.

Кайырма:
Жашоонун шаңын,
Бакыттын даамын сезип жатам.
Сезимдин сырын,
Жүрөктүн үнүн кантип катам?
Үмүтүм жанып, талайлуу бакыт издеп жатсам,
Бир өзүңдөн таба алам.

Бакытымсың бүт өзүмдү арнаган,
Колдон эмес жүрөктөн да кармаган.
Бул жашообуз деңиз болсо чалкыган,
Бир бололу биз кемеде калкыган.

Бир ааламда жашасак
Кайда жүрдүң алыста, болмок табышсак.
Жашоо бизди жакындатып
Келген тура карыштап, тагдыр табышмак.

Кайырма:

Тагдыр туңгуюк, жок күмөн,
Сураганың берет албетте сен ишен.
Сөздөрүмдө жок, бир да жалган,
Жүзүм маскарапоз, бирок өзүм инсан.
Арманымды жашырат күлкү ар дайым,
Жасалма жүз менен жашаймын күн сайын.
Мен тагдыры тайкы бирок келбети кооз.
Маскарапоз.
Жасалма жүз жашырат кайгысын,
Маскарапоз.
Таппай келет бакыттын ачкычын.

Колуңдан келсе бактылуу бол,
Өмүр деген катаал билсең ал кооптуу жол.
Бул турмуш сахна эмес жашоо,
Жеңилесиң ойнобосоң сен анда роль.
Жашоо таттаал кээде сен каткан нан жейсиң,
Күлгөнүмдү көрүп мага оңой дейсиң.
Мен тагдыры тайкы, бирок келбети кооз,
Маскарапоз,
Жасалма жүз жашырат кайгысын.
Маскарапоз,
Таппай келет бакыттын ачкычын.

Мен сүйлөйм жалган аргасыздан,
Не кылайын ушул жолду тандасам.
Же аны күлдүр, же муну,
Айла жок кимге жаксам, кимге жакпасам...
Өзүм каалап эч кимди капа кылбадым,
Арсыз душман кыйналса да эч күлбөдүм.
Мен тагдыры тайкы, бирок келбети кооз,
Маскарапоз.
Жашоо таттаал кээде сен каткан нан жейсиң,
Күлгөнүмдү көрүп мага оңой дейсиң.
Мен тагдыры тайкы, бирок келбети кооз,
Маскарапоз,
Жасалма жүз жашырат кайгысын.
Маскарапоз,
Таппай келет бакыттын ачкычын.

Биз табышкан ошол көз ирмем,
Балдай таттуу мага сезилген.
Бир адатың аны баалабай,
Барктай албай ката кетиргем.
Байкап аны эми эзилем,
Бара албай жүрөм сага мен.

Кайырма:

Кайрылчы, мени зарлантпай,
Кечирчи, келчи саргартпай.
Күдөрүм үзбөй,
Күндө жол карай,
Кутөм жалгыз, сени самай.

Карлыгачым болду таарынба,
Капаланба жаным садага.
Кадырыңа жетем кечирчи,
Кайгырбачы кол сунчу мага.
Кол кармашып экөөбүз гана,
Кетели сүйүү аралына.

Кайырма:

Жакшы көрүп, жактырдым мен,
Жарыгым сага жалынып.
Жалгыз сенсиң менин жарым,
Жароокерим, жыргалым.

Кайырма:
Мен эле сүйөм, мен эле,
Сен сүйбөйсүң мени эмнеге?
Созолонуп сыр бербейсиң,
Сыр бербеген сырдуум жүрөк эзбе.
Мөлтүрөгөн бүлдүркөнсүң,
Кызыктырып, кызгантып,
Мен эле сүйүп жүрө беремин,
Сен сүйсөң болбойбу?

Кайталайсың, кадаланып,
Кайрып каш-кабагың,
Кара көзүң, калем кашың,
Кармап арбап, байладың.

Алма кайык дегенде, алма кайык,
Айылыңарда кыз барбы мага ылайык.
Айылыңарда кыз болсо мага ыдлайык,
Күйөө бала болоюн бажырайып.

Өрүк, өрүк дегенде, өрүк, өрүк,
Өрттөнөмүн, күйөмүн сени көрүп.
Өрттөнсөм да, күйсөм да сени көрүп,
Олтурасың терезеңде чачың өрүп.

Бийик, бийик тоолорго чыккым келет,
Бийигине кызыгып уйкум келет.
Уктап жатсам жаныма бир кыз келет,
Тал чыбыктай ийилип салам берет.

Кайырма:
Эркетайым менин айдайым, жалгызым,
Өзүңө арнайын махабат жылдызын.
Кылыктарың сенин жүрөктү козгогон,
Сүйкүмдүү жан эркем, өзүңө эч тойбойм.

Сага арнап ырлар жаздым сагынган үчүн,
Ардагым сезсең боло сүйүүнүн күчүн.
Сезимиң жай албай жаным өзүңө,
Асылым көңүл бөл менин сөзүмө.

Кайырма:

Көп сулуу бийкечтердин арасынан мен,
Жактырдын бир өзүңдү эң сулуу эркем.
Өзгөчө баскаың, узун чачтарың,
Арбады жаным мени чийме каштарың.

Кайырма: