[Барс]

О кокуй, иним Нурислам,
Шоктугуңа кубанам.
Кыздарга турсаң тийишип,
Сүйүнөт да бул агаң.
Барс акын эмне дейт деп да,
Жалтакаба, садагам.
Тийишкиң келсе, тийишкин,
Сүйүшкүң келсе сүйүшкүн.
Орундуу сөздөн кеп башта,
Сенин мыктылыгың билишсин.
Жетпесе да өзүңө,
Кыялданган кезинде,
Сени аңыз кылып жүрүшсүн.

Жаштык кез дайым жайдары,
Жароокер сонун кыздар-Ай.
Жаш кезде биз да ойнодук,
Жанаша басып бир далай.
Бирок эстен чыгарба:
"Сүйүшкөн" жаман ылгабай.

Ойлоруң сенин ак болсун,
Сүйүүң болсун тунук да.
Бирок,
ээрчип кетип кыздарды,
Айтышканды унутпа!

[Orbit_bezsahara]

Асаляму алейкум!
Куюлуштуруп ыр жазган
Төкмө акындар аманбы?
Араңарда түгөюм Нур Ислам аманбы?
Көп сөздү кыскартып.
Баарыңыздарга бердим саламды.

Космо кыз келип төгүптүр.
Айылдын көңүлүн бурдуруп.
Сезимдерин жашырбай,
Арманын айтып өтүптүр.
Араң турганбы түгөюм?
Көз кырын ага салып кетиптир.
Билгин сен түгөй билип ал.
Кулакка жакшы илип ал.
Баркымды билсең баалагын.
Өкүнүп кийин калбагын
Сени үчүн жашап жүргөндү.
Түгөюм мени байкагын.

Космо сиңдим кандайсын?
Тааныбай мени калгансың?
Түгөюмдүн сөзүнө арбалып.
Сындаймын деп камынып атасың?
Сындасаң мейли сындачы.
Бир эмес, эки колун кармап жыргачы.
Сүйүп бир калсаң бу күндө.
Сүйүүнү даңтап ырдачы.

А мен мындай турайын.
Бактыңарды байлайбай,
Өз жолумду улайын.
/>

Билдирүүнү түзөткөн: Orbit_bezsahara: 25 Май 2013 - 21:57

[лунка]

Бул жак акындар айтышы адашыпмын,баары башын ийип саламдашып алышыптыр,менда саламымды айтайында амандашып кайтайын.кандайсынар, барсынарбы,амансынарбы деп менда качып калайын.

[Барс]

Олдо кокуй, Нурислам,
Кабарың бер, кайдасың?
Талашып жатат эки кыз,
Көрдүңбү булар таймашын?
Бирин-бири жек көрүп,
Ийне-пийне сайбасын!
Аман-эсен тосолу,
Келерки июнь ай башын.
Экөө тең "кетем" деп атат,
"Сен эле ал!" деп кеп атат.
Куружалак калат окшойсуң,
Тамашаңдын көрүп "пайдасын! "

О, Нурислам иним, кайрылып,
Бул талашты чечип кой,
Болсо да зарыл жумушуң,
Башка иштерди кечип кой!

КантсызОрбит кападар,
Капасын секин жазып ал.
Эч болбосо, бул жерге,
Ыр менен оюң жазып сал.

Талаш ырбап кетпесин,
Апчышууга жетпесин.
Каретист болсо наркысы,
"Түгөйүм" сөздү " түгөюм"
деп жазган КантсызОрбитти,
Тоголото теппесин.
О Жараткан, көрсөтпө,
Ушул эки кыздын беттешин! !!

[saltanat.]

Калайык калк аманбы? Баш ийип айтам саламды, байкасам кагышуулар болуп кетиптир,нурислам космого козун салыптыр,колунду бер деп сураптыр,шекерсиз орбит аны сындаптыр,нурислам эми абайла,конулуно карап иш жасагын, башкага коз артам деп,кантсыз орбиттен айрылып калбагын.

[Nur_Islam]

Кечиргиле кечиктим Айынан окуу кесиптин Башкага козун салды деп Орбиттен жаман кеп уктум Кыздар кыздар жакшынам Барчыны жайда шаншыган Таарына жазган ырларын Далай жолу таншыгам Тамашалап соз айтсан Жакын алып какшыган Кызыксынар кыздар ай
Барс абам кенеш бериптир Жаштыгын энсеп отуптур Женем экоо суйуусун Тамшана эстеп койуптур Барс аке айтчы сырларын Угайын суйуу ырларын Талашта болуп кыздардын Откоргон го убагын Деп ойлонуп олтурам
Манызы менен создордон Ыр кураган бай акем Далай бала окутуп Билим берген жан экен Кок шибери жайкалган Жерде турат абакем Суйуу дастан экенин Айтып отту бай акем Жаштыктан обон салсачы Айтып берип бизге да Тартынбай аба баштачы Жагымдуу болоор сизге да
Жузунор турса нурданып Жигиттер турат суктантып Жайкалып жолдо бассанар Карашат баары уурданып Тугойум кечсен кече гой Башкасына кете кой Тамшаным жургон жигитке Менден кетип жете кой Космо болот карындаш Жетпейт ага асыл таш Тамашалап койдук биз Керек болчу таарынбаш.
Барс аба кутом жообунуз Жаштыктан эстеп койунуз Ал убак кандай кез эле Суйуудон айтып бериниз Кыздарга талаш болсонуз Улайын сиздин жолунуз

[Барс]

Олдо, Нурислам карагым,
Кайдагыны ойго саласың.
Сүйүүмдү козгоп кайдагы,
"Балакет" эле баласың!
Бирок,
Эки жолу ырдасам,
Экономист өңдөнүп,
Бир гана жооп жазасың.

Эми менден сурасаң:
Биз сүйүүнүн таттык тазасын.
Алибетте, тартканбыз,
Жыргалы менен азабын.
Кат жазчубуз ал кызга,
Келбесе колдон көчүрүп,
Акындардын казалын.
Айлуу түндө басчубуз
Кызытып сүйүү базарын.
Оң жооп күтүп сүйгөндөн,
Башыбыздан өткөрдүк,
Жигиттин жүдөп, азарын.
Кайсысын айтып бүтөмүн,
Том-том го айтып, жазарым...

Алиге өчпөй келатат,
Андагы сүйүү ысыгы.
Жеңеңе кантип жетти элем,
Айкалышып кучактап,
Алгач кантип өптү элем
Анын жок сага кызыгы.
Андан көрө соорот да,
Тиги
Араздап кеткен кызыңы!

[Nur_Islam]

Орбит жаман кыйнады,

Билинип турат кыйганы.

Өзүнө келип иниңиз,

Эс акылын жыйнады .

Жолун тоспой бош койуп.

Айтышка көңүл бурганы,

Келип калды Нурислам.

Ыйманы менен сүйүшкөн,

Алоолоп оттой күйүшкөн.

Кандай сонун кез экенин,

Керемет күндөр өткөнүн,

Элестететип ал кезди,

Мен кыялдана көксөдүм.

Чечен экен атакем,

Беликте кубат бар экен.

Сындыра албай сөзүнөн,

Талантым дале тар экен.

Бирок отузуна жетейин,

Калып сизден кетпейин.

Өзүмдү жакшы ырастап,

Аракет кылып көрөйүн.

" Акындын-акындыгы болсун биздин темабыз" -деп Нур_Ислам ырдап баштады.

Акындар ыр жазышаар моокумдана,

Ырларын элес көрүп шоокумдарда.

Көктөргө бөлөп койуп баардык жанды,

Кумарлана күү салганы айкын даана.

Тамгалар төгүлгөндө куюлушуп,

Бир- бирине жакын тура жуурулушуп.

Акындар саптар менен бөлүп алып,

Ырларын ырдап берет ийилишп.

Акындын акындыгы сөздөрүндө,

Ырлары ар бир жандын жөрөгүндө.

Буйруксуз байыр алып сезимдерге,

Сырларын катып койот көздөрүнө .

[Барс]

Балли, балли, Нурислам,
Таң атпай таңшып ырдапсың.
Мактоо айтып агаңа,
Магдыратып, жыргаттың.
Айтышта төгүп жатасың,
Сынын бузбай ыргактың.

Анан
баратып эле, азамат,
Башкача ойго жетипсиң.
Төкмөлүктөн жазмалык
жагына өтүп кетипсиң.
Ашыктыкты айтып бүткөнсүп,
Акындыкты айтабыз деп чечипсиң.

О илгери жаш Барпы,
Токтогулга жолугуп,
Сынаткан экен ырларын.
Сабак алам деген го,
Акындыктын үйрөнүп,
ачуу үчүн сырларын.
Билүү үчүн Токомдон,
Өнөрдүн жылга, кырларын.

Ошондо Током сынаган,
Тема берип ырдаган.
Барпы дагы кем калбай,
Айтканын анын улаган,
Жоопту тапкан токтолбой,
Токомдун суроосуна сураган.

Анда сен-Токтогул, мен-Барпы,
Алдыңда нымшып турбайын,
Атайын берген темаңа,
Жооп берип ырдайын...



Ар бир кыргыз уйкаштырып, ыр жаза алат,
Акындын акындыгы "ырында" эмес,
Ар бир жан комуз алып кыңылдатат,
Акындын акындыгы сынында эмес.

Азыр көп басмалардан чыккан китеп,
Акындын акындыгы китепте эмес.
Эгерде жалпы элиң жактырбаса,
Акындан калбай калат бир да элес.

Андыктан акын болгун элге жаккан,
Ырларыңа көп болсун сугун арткан.
Чын дилиңден ыр току, жаныңды бер,
Таза болгун тоо суусундай укмуш аккан.

Ырларыңа эргисин уккан адам,
Магдырасын аял, эркек, кичине,чоң.
Жок болсо ушул сапат эгер сенде,
Ырды жазбай токтотуп койгонуң оң!


Калбайын деп жаңылып,
Жооп жаздым темаңа.
Баасын айтып, кой, баатыр,
Койдуңбу "неуд." же мага?..

[Orbit_bezsahara]

Сөздөрдүн гүлүн терип бүт жазган,
Жараштырып, кураштырып, уйкаштырып баарын жазган.
Барс аба арыбаңыз?
"Бетешип жатат эки кыз"-деп,
Таарынтып бизди албаңыз.
Ийне-пийне сайбайбыз.
Анткени тарбия көргөн кыздарбыз.
Космо келип тепседа,
Акылманы форумдун,
Акыл айтаар сиз барсыз.
Бирок биз беттешүүгө,
Тебишүүгө барбайбыз.
Аман болсок көрөөрбүз,
Июль айларын.
Андыктан кабатырланбаңыз.

"Түгөйүмдү" - "түгөюм" -деп жазгамын,
Аны мойнума аламын. Кээде ушинтип жазамын.
Анткени жалкоолонуп,
бат жазууга шашамын.
Ал үчүн мен уялып жатамын.
Жооп жазууга батынбай,
Араң жаздым аны жашырбаймын. сыймыктанып турамын.
Айылды шаңданткан,
Сонун тамашалуу айтышыңызга,
Ыраазычылыгымды айтайын.
Аман болуңуз!

Нур Ислам ардагым.
Орбит шекерсиздин сөзүнө,
сен таарынып калбагын.
Тамаша экенин мен билип,
тамаша иретинде жооп жазгамын.
Тамашамды түшүнбөй.
Сразымле кетебергин сен -деп айтпагын.
Эгер билсең чындыгын,
ааламды мен айлансам да,
Тапайм сенден артыгын. Оюмда башка жигит жок.
Ниетим түз асылым аны сен билгин.
Андыктан тамаша чынына жараша,
Карындаш деп калп эле,
Кыйшаңдабай жөн жүргүн.

"Акындын акындыгы" деп тема баштапсың.
Акын эместигимди эске алып,
Бул темадан мен чыгайын.

[Барс]

О, Орбит шекерсиз,
Тең болсоң айтаар элем мен:
"Тарс эткендин баары тамаша,
Таарынбаңыз бекер Сиз..."

Тамаша болот айтышта,
Кирген соң мында "Айтышка! "
Көңүлгө жаман албагын,
Айланбасын Жай Кышка.
Аны айтмак эмес болчумун,
Даяр кыз болсоң сайышышка.

Адептүү кызсың билемин,
Андан да талант бар сенде,
Ушундай кыздар көп болсун,
Сендей кызга туш болсун,
Бойдок жүргөн ар пенде.

"Сайышат, кокуй!" дегендин,
Айтсам мен азыр себебин:
Нурислам көңүл бурсун деп,
Силердин камды жегеним...

Космо да абдан жакшы кыз,
Конфеттей болгон татуу кыз,
Азилди абдан жактырган,
Аябай эле бактуу кыз.

Ал деле жеткен адептүү,
Ар кимдер менен тебишпейт.
Кыялы чорт кыздардай,
Күч сынашып жеңишпейт...

Ошондуктан, гүл кыздар,
Жүргүлө мында жанаша.
Андыктан силер билгиле,
Капа болбой күлгүлө,
Бул Барс абаңдан Тамаша!!!

[Nur_Islam]

Оо Барс атаке кыйынсың,

Максатымды туюпсуң.

Сынаткым келген өзүмдү,

Айттырбай аны билипсиң.

Каймана менен жеткирип,

Тескеринче ырдапсың.

Таамай сөздү так айтып,

Жыйырмада балаңды,

Келечекке чыңдапсың.

Баланыз сизге ыраазы!

Темабызга кайтайын,

Таң менен кошо атайын.

Ыр менен баарын ойготуп,

Тынч жайыма жатайын.

Уктабадым түн ичи,

Уйкуга эми батайын.

Акындар ыр жазышат сезим менен,

Оюңду таамай айтат чечилбеген.

Сен жөнундө жазгансып тагдырыңды,

Таң бересиң көрбөсөң да көзүң менен.

Кыргызымда угулат обондору,

Ырын жазган Турарлары, Жолондору.

Алыкул ыр башатын баштап берген,

Байдылда ырдын гүлүн тандап терген.

Ырыспай Жолболдулар ырда мерген,

Эмесе курбулар ыр баштайлы,

Кандай ырлар чыгаар экен сенден, менден.

Акындын акындыгы ырларында,
Туура айткан, туура жазган сырларында.
Акындар ак эмгекти даңазалайт,
Болбосо ак караны таразалайт.
Эгерде чыгаан бир акын болсоң,
Ырларыңды эл журтуң жаттап алат.
Эч качан бийлигине карабастан,
Өз элин эмгегиңди барктап алат.
Башына капилет бир кайгы тушсө,
Токтогулдай кайда болсо сактап алат.
Баарына элиң кубө, эл тараза.
Биз өтсөк да дүйнөдөн эртең эле,
Түбөлүктүү элге жаккан ырлар калат.


Ырларым жан кубатым, жан шеригим,
Кайда барсам кошо жүргөн кыйбас теңим.
Алыкулдун акындыгын ырларында,
Канча айланып окусам да суубас демим.
Тарыхта чыныгы акын калат экен,
Калгандар андан сабак алат экен.
Чака толо ыр ташышып үйлөрүнө,
Бирден терип куржунга салат экен.
Жүрөгү бай акын болсо кебелбестен,
Ырлар менен өз элин багат экен.
Сүйүшкөндөр махабаттын символу деп,
Көкүрөккө ырдан тумар тагат экен.
Акындын акындыгы талантында,
Канаттуу ырларынын саптарында.
Азыр чыгып жатат арабыздан,
Акындар чыгаандардын катарында.
Биз дагы кочтүн артын улай берсек,
Кудайдан улуу талант сурай берсек,
Жетээрбиз көксөп келген максаттарга.

Билдирүүнү түзөткөн: Nur_Islam: 28 Май 2013 - 06:48

[Барс]

Сайрап таңкы булбулдай,
Ырдаган Нурислам, аманбы?
Түнү менен уктабай,
«Жыргаган» Нурислам, аманбы?
Куюлушкан ырларың
Кубандырды агаңды...

Улуу адамга «сенсиреп»
Баштаган Нурислам, аманбы?
Аягында «Сизиң»деп,
Маштаган Нурислам, аманбы?
Окуп жүргөн Маскөөдө,
"Оңдойм - деп - жаман адамды!"

Акындыктын жөн жайын,
Уланткан Нурислам, аманбы?
Кызыл тилин күлүктөй,
Чуураткан Нурислам, аманбы?
"Билим алып Маскөөдөн,
Түзөйм - деп - ушул заманды!"

Айтканыңдай болоюн,
Аргымак оозун чоеюн.
Акындык өнөр тууралуу,
Уруксат берсең мен дагы,
бир аз айтып коеюн.

Акындын акындыгы тилиндеби,
Айткан оюн ырында дилиндеги?
Көп окуп, илим издеп, түн терметип,
Жыйнаган өмүр бою билимдеби?

Акындын акындыгы акылдабы,
Ой айткан адамдарга асыл, аруу?
Көпчүлүк акыл алган ырларынан,
Үйрөнбөй жалаң гана жакындары?

Акындын акындыгы сезимдеби,
Сакталган анын жапжаш кезиндеги?
Кумурсканын буту сынса, жаны ачып...
Суктанган күн нуруна кечиндеги?

Керек бейм акын үчүн мунун баары,
Сапаттар мындан да көп дагы...дагы.. .
Баарынан Адам болуу парз акынга,
Баарынан бийик болсун Намыс-Ары!


Эскертүү:


Кайра баштан карасам,
Калганда бул ыр илинип.
Кээ бир сөзү калыптыр,
Катарга турбай биригип.
Ошондуктан, оңдодум,
Мааниси ырдын силерге,
Турсун деп даана билинип...

Билдирүүнү түзөткөн: Барс: 28 Май 2013 - 11:50

[sonka89.]

Ассалоому алейкум
Акындарым аманбы
Башым ийип энилип
Баарына берем саламды

Барс аба кандайс арбаныз
Келиштирип ыр жазып
Форумду дагы жанданыз
Акыл насат кеп айтып
Бизге окшогон чала акын
Жаштарды дагы сынданыз

Нурислам иним кандайсын
Байкашымча башкача
Крассавчик жандайсын
Кыздарга салып коз кырын
Биринен бирин тандайсын
Космо дагы Орбитта
Жандай коргон жан синдим
Билбей турам чындасам
Жакшылап ойлон сен иним

[Барс]

Валейкума вассалом,
Келгин, Сонка, келгиниң.
"Чала акынмын" деп алып,
Кирип мында ырдаган,
Билсең, сенин эрдигиң!

Таштай бер алга бат арым,
Деги эле сага айтаарым:
Талантыңды ташкындат,
Көп кечикпей жазгын бат,
Толуктап кыздар катарын.

Байма-бай мында кире бер,
Айта албайт эч ким:" Өгөйсүң!.. "
Алтындай ырың төгө бер,
"Айтышта" кыздар көбөйсүн!

Талантың бар, шартың да,
Андыктан ырдан тартынба.
Төкмөнүн санын көбөйтүп,
Чагылгандай жаркылда!
Аша берсин ылайым,
Талантың да, баркың да!!!

[Nur_Islam]

Айланайын Барс аба

Сизди сен деп алганым

Өзүмө жакын тартканым

Атаке деп эркелеп

Мардайып эле калганмын

Уруксаатсыз ата деп

Жаңылганым арманым

Азыркы тапта атасыз

Кусалыкка батканым

Чегимен ашып кеттим бейм

Тан албай жашоо жалганын

Кечирим болсун бай аке

Жаңылган жаактан баланын

Нур_Ислам сизге жетмекпи

Устаазын шакирт эңмекпи

Акындар сизге тең болсо

Ошондо сизди жеңмекпи

Деп ойлонуп койдум мен

Барс аба анда кайтайын

Комуздан колум тартайын

Тең келем деп сизге мен

Уятка эле калбайын

Айтканымды берейин

Өзүмдү кыйын дебейин

Калаарым сизден тан алып

Калып эле кетейин

Деп Нурислам жеңилиптир. ..

[Барс]

"Атаке" деп сыйласаң,
Сени Кудай сыйласын!
Билип турам, Нурислам,
Жаш жигиттин ыйбасын.
Аны жакшы билип кой,
"Ата" дегин, "аба" де,
Барстын муну тыйбашын.

"Атаке" деп сен жазсаң,
Төбөм көктө - жыргагам.
"Сен" дедиң деп, жөн эле,
Эл күлсүн деп ырдагам.
Өзүмдүн үч уулум бар,
Төртүнчүсү сен болуп,
Жакшы да болсоң бир балам...

"Тартам - деп колду комуздан" ,
Капа кылып жалпыны,
Айырыба мукам добуштан.
Аяктабай кеткендей,
Жокпуз го катуу "согушкан" ?

Айтыш деген салтанат,
Бул да майрам, бу да той.
Бир күн калды бүтүүгө,
Нурислам акын, чыдап кой.
"Жеңилип берди сыйлап..." деп,
Башкага кетет жаман ой.

Качкан жоксуң билемин,
Коркуудан, же чочуудан.
Колуң тийбей жатат го,
Чолоң болбой окуудан.

Антсе да убак таба көр,
Чыкса да денден кара тер.
Кыска, нуска жаз дагы,
Нурислам, ырга жооп бер!

Шарты бар да айтыштын,
Ким жеңилди ким жеңди,
Экөөбүз эмес, угушкан
Форумчулар айтышсын.

Чоң талантсың сен дагы,
Калптан эле "калтырап" ...
Кейпин кийбе "байкуштун" !!!

Билдирүүнү түзөткөн: Барс: 29 Май 2013 - 11:09

[Барс]

Нурислам менен айтыштын,
Бүгүн акыркы күнү эле.
Нурислам болсо айтышка,
Кирбей койду тим эле.
Айтыштын көркүн чыгарган,
Ал да кооз үн эле.
Ушунча күттүм келбеди,
Айтышпайт окшойт чын эле.
Атаны кокуй, каап десең,
Курислам акын чынында,
Бир тобунан тың эле.
Айтканда ыры өтүмдүү,
Сөздөрү чыйрак, чың эле.
Таланттуу десең таланттуу,
Билимдүү десең билимдүү,
Вообще то большой Ум эле!!!

Айтышпай калдык айла жок,
Ал бүгүн келип коштобой.
Алибетте окуу, башка иштер...
Жатат да колу бошобой.
Агенттен салам жолдоптур,
Жеткирди Маил. почтовой.

Асыла берген болбойт да,
Убакты жок кишиге.
Анда мен да токтоттум,
Шартын анын түшүнө.
Жакшылыктар тилеймин,
Нурисламдын окуусу менен ишине...

Арманда калба эх дешип,
Форумдагы акындар.
Айтышам десең Барс менен,
Анда эле сенин акың бар.

Эртең барам үйүмө,
Тоодогу тиккен чатырдан.
Айтышканга мен даяр,
Катыңды жибер чакырган...