[Aydashka]

azamat1992kg (08 Декабрь 2011 - 11:25) жазган:

Герпес боюнча маалмат бергилечи

Ай, azamat1992kg мен жогору жакта герпес жонундо бербегенде гайморит жонундо бердимби маалыматты? Медиктердин тили менен"Герпес" ,кыргызча биз "Учук" деп коёбуз.

Билдирүүнү түзөткөн: Aydashka: 08 Декабрь 2011 - 21:38

[Takeshbek]

Учук жаныдан чыгып келатканда ( шишимик тартып кызарып) , ошонун устуно музду марлиге ороп, устуно басып туруш керек.

П.С. ишенбесенер кылып коргуло

[Angelina2012]

Эмне себебтен адамдын оозуна учук чыгат. Чочуганданбы же аба-ырайынын сууктугунанбы. Чыккан учукту кантип айыктырса болот, элдик медицина боюнча жана дарыгерлердин кеңештери боюнча.

[Angelina2012]

Аябай катуу чочуганда учук чыгат деп уканмын жана күн суук болсо да учук чыга берет деп айтышат. Аптекада учукка каршы Завиракс деген мазь сатат анын пайдасы жакшы элеби, же андан да жакшы мазьдар барбы?

[zhazira]

Учуктун белгилери тууралуу алгач римдик врач Геродот биздин доорго чейинки 5-кылымда сүрөттөп жазган. Учук эл аралык деңгээлде “герпес” (байыркы грек тилинде “герпейн” – “сойлоочу”) деген аталышты алып жүрөт. Ооруга мындай аталышты Гиппократ ыйгарган. Герпеске каршы күрөшүү акциясын биринчи жолу мындан 2 миң жыл мурун Рим императору Тиберий уюштурган. Ал сенаторлорго сенатта бири-бири менен өбүшүүгө тыюу салган.
1912-жылы немис окумуштуулары Грютер менен Левенштейн алгач ирет учук тууралуу кенен маалымат жарыялашкан.
ЭМНЕДЕН УЛАМ ЧЫГАТ?
Учуктун чыгышын төмөнкүлөр шарттайт:

• Суукка, шамалга урунуу;
• Катуу ысыкта калуу;
• Катуу стресс;
• Адамдын жугуштуу ооруга чалдыгуусу (сасык тумоо, ангина ж.б.);
• Күндүн зыяндуу нурлары астында узакка жүрүү.

Андыктан көчөгө чыгарда эринге күндөн сактоочу крем же помада сүйкөп алуу кажет.
Кокус учук суукка урунбаган же шамалдабаган кезде деле, кыскасы, себеби жок чыгып кайра кете берсе, демек, организмде өнүгүп жаткан оору бар. Мисалы, сарык оорусу болушу мүмкүн. Андыктан текшерилүү кажет.
УЧУК – ЖУГУШТУУ ООРУ
Учук – жер шарында эң көп кези­гүүчү жугуштуу оору түрү. Аны дүйнөнүн 90 пайызга жакын адамы алып жүрөт. Суу чечекти да учуктун вирусу козгойт. Анын жалпысынан 7 түрү бар.
КАНДАЙ ЖОЛДОР МЕНЕН ЖУГАТ?

• Өбүшүүдөн;
• Учук чыккан адамдын буюмдарын колдонуудан. Мисалы, чынысы, сүлгүсү ж.б.
• Жыныстык жол аркылуу (гениталиялык учук).

Учук чыккан ооз менен жыныстык мүчөнү өпкөндө же жыныстык мүчөнү оозго алганда. Ошондой эле жубайлардын биринин жыныстык мүчөсүнө учук чыгып, анан түгөйү менен кошулса да учук жугушу мүмкүн.
Кыскасы, учугу бар адам оорунун булагы болуп эсептелет.
ВИРУС ОРГАНИЗМГЕ КИРГЕНДЕН КИЙИН...
Вирус организмге кирген соң узакка дейре омуртканын нерв түйүндөрүндө (ганглий) бекинип жүрөт. Анан иммунитет төмөндөгөн кезде, адам суукка урунганда, шамалдап же ысыкта калганда оозго ыйлаакча түрүндө чыга калат.
ЭМНЕСИ МЕНЕН КОРКУНУЧТУУ?
Жөнөкөй учук адамды көп деле жабыр тарттырбайт. Ал эми гениталиялык (жыныстык жактан жугуучу) учуктун зыяндуу жактары көп. Алар:

• Тукумсуздук. Анткени вирус эркектердин сперматозоиддеринин башы менен аялдардын жумуртка клеткаларын жабыркатат.
• Көздү жабыркатып, сокурлукка дейре алып келет.
• Куяң.
• Нерв системасына зыян алып келип, герпетикалык неврит менен энцефалитти жаратат.
• Герпетикалык пневмониянын келип чыгышын шарттайт.
• Боорду жабыркатып, герпетикалык гепатитке алып келет.

Эринге чыккан учукту кармаган кол менен көздү сүрткөндө вирус көзгө да жугат. Кээде адам суу чечек менен ооруган соң да денесине (көбүнчө көкүрөк бөлүккө) учук чыгышы мүмкүн.
УЧУККА КАРШЫ ЭМДӨӨ ЖОК
Кызыгы, бул ооруга каршы вакцина жок. Вирусту биротоло өлтүрүүчү дары-дармектер да колдонууда жок. Болгону, вирустун көбөйүп, активдүү болуп кетишин жана ооруну басуучу дары-дармектер гана бар.

• Ацикловир (Зовиракс) . Таблетка, мазь, гель жана ампула түрүндө.
• Валацикловир (Валтрекс) . Батышта дал ушул таблетка кеңири колдонулат.
• Фамцикловир (Фамвир). Таб­летка түрүндө.
• Тромантадин (Виру-Мерц Серол). Гель түрүндө.

Учук эринге чыккан соң аны токтотуш кыйын. Андыктан алдын алып, таблетка ичип же эринге мазь сүйкөгөн оң. Жаныңызда дары жок кезде учук чыгып баштаса, анда эринге арактан компресс жасаңыз. Булар да жок болсо, анда муздак, күчтүү кофеден, валерианкадан же корвалолдон компресс кылуу ылайык.
УЧУК МЕНЕН КҮРӨШҮҮДӨГҮ 5 ЭРЕЖЕ

• Кыздар эч качан бирөөнүн помадасын колдонбошу кажет. Анткени учурда курбуңузда учук жок болгону менен, мурун чыккан учуктун вирусу помадага жуккан бойдон жашап жатышы мүмкүн.
• Учук чыккан кезде эч качан би­рөө­лөрдү (мейли күйөөңүз, мейли балаңыз болсун) өппөңүз. Анткени вирус жугат.
• Эстетикага ылайык келбесе да, учукка йод эмес, зелёнка сыйпоого болот.
• Учук чыккан кезде ачуу, туздалган, ышталган азыктарды жеп, күчтүү кофе ичүү адамдын абалын начарлатып жиберет.
• Шамалдуу аба ырайы, этек кир келер алдындагы кез, стресс учук чыгууга ылайыктуу учурлар болуп эсептелет.

Билдирүүнү түзөткөн: zhazira: 03 Февраль 2013 - 05:44

[supeeri]

Эн пайдалуу маалыматтар рахмат Жазира!
Ананчы мага кичинемеде оозума коп учук чыгат эле.Азыр эми чонойгонумдан кийин только мурдума чыгат бир жумада 2 чыкты,катту коркуп кеткен окшойм деп дары койболе копко журо бердим,эми дак болуп кашка болуп калдым.Тошна больницага барып анализ тапшырып койбосом болбойт окшойт,коркуп калдым.Алдын конул деле бурбайт элем.

[DIAFRER]

" Зовиракс " жакшы жардам берет. 1-2 жолу сүйкөсө эле учук жок болот.

[Umka220190]

"Оозго эмне учун учук чыгат, ыя? " темасы менен бириктирилди. Себеби, бул темадан учуктун чыгышынын себебин гана эмес, дарылоону да окуса болот.

[eliza90]

Мен моргго ар бир кирип чыккан сайын эле учук чыга берет. Учук катуу корккондон, чоочуп калгандан ж.б. чыгат деп жаза берипсинер да. Мен мисалы коркпойм,чоочуп деле калбайм,жийиркенбейм дагы,билбейм бирок мага учук эле чыга берет. Ага каршы деле эч нерсе кылбайм. Учук чыгып калса "иии учук чыгып калыптыр" деп коём,кетип калса "аа учугум кетип калыптыр" деп коём. Ошоо...

[sayana]

eliza90 (11 Июнь 2013 - 16:50) жазган:

Мен моргго ар бир кирип чыккан сайын эле учук чыга берет. Учук катуу корккондон, чоочуп калгандан ж.б. чыгат деп жаза берипсинер да. Мен мисалы коркпойм,чоочуп деле калбайм,жийиркенбейм дагы,билбейм бирок мага учук эле чыга берет. Ага каршы деле эч нерсе кылбайм. Учук чыгып калса "иии учук чыгып калыптыр" деп коём,кетип калса "аа учугум кетип калыптыр" деп коём. Ошоо...

иммунитетиниз аз окшойт да , жалпысынан учуктун вирусу 90% адамдарын организминде бар , жашайт, качан гана вирустун кобойуусуно жакшы шарт тузулгондо симптомдору чыга келет.

[sayana]

Элдик медицинадан: учук (герпес) чыкканда кичинекей идишке суу кайнатып , кайнаган сууга кашык салып дагы 5 мин кайнатып , анан кашыкты алып чыгып мумкун болушунча ысыгында учука басыныз 3, 4 жолу ( кашыкты муздатып еле баса бергенге болбойт, анда наоборот ырбап кетет ) . Кайра кашыкты сууга салып кайнатып дагы ошентип басыныз. Ушул процедураны 1 кун аралыгында 1,2 жолу кайталап койсонуз эч кандай мазсыз, таблеткаларсыз эле жок болот. Айта кетчу дагы бир нерсе кармалай бербениз, бул нерсе кобунчо кичинекей жаш балдарга тиешелуу болуш керек. Анан да учуктун алдын алыш учун эн биринчи иммунитетинизди которунуз, коп ушуп калгандан , ысып кеткенден сактаныныз. Баарына ден соолук!

[Kg.lady]

Ушу учук жадатат менида,зериккенделе чыга берет.Азырда бар бироомес экоо

[Ylykbek1990]

Учук

7 жылдык алоэнин жалбырагынан 1 кг алат. Аны тикесинен тазалагандан кийин эт туурагычтан откорот, ага 1 кг бал менен 0,75 кызыл винону кошуп аралаштырат. Аны карангы жерге 5 кун коет. Даяр болгондон кийин ачкарын кунуно 3 маал 1 чон кашыктан ичип журот.

[Elnuram090]

бойдок мезгилимде такыр учуктан арылчу эмесмин тез тез эле чыга берет эле,турмушка чыкканымдан кийин кудайга шугур бир да жолу чыга элек 3жыл болду.

[Feijipiao]

ГЕРПЕС (УЧУК)
Көпчүлүк адамдарда мезгил мезгили менен эриндеринде майда ыйлаакчалар пайда болуп турат, муну эл арасында "сезгенүү" же "калтыратма" деп коюшат. Бул чындыгында адамдын эң эле кеңири тараган ооруларынын бири болгон - герпес. Жер шаарынын 90-95 пайызы ушул вирустарды алып жүрөт деп эсептелет. Алардын көпчүлүгү муну төрт жашка чейинки кичине кезинде жуктуруп алышат.
Ал адамдын организмине бир жолу келип түшкөндөн кийин жылына 2-3 жолудан пайда болуу менен өмүр бою кала берет. Эгерде адамдын иммунитети жогору болсо, анда вирусту алып жүрүүчү анын өзүнүн организминде бар экендигин сезбей да калышы ыктымал. Герпес тез-тезден пайда болуп турса, ал организмдин коргоо күчүнүн төмөндөшүнө күбө болот.
Организмде тынч уктап жаткан герпести үшүп калуу, ысып кетүү, өтө күчтүү эмоционалдык кайгыруу, жумуштагы жана үйдөгү стресстер, грипп, кош бойлуулук, айыз, чылым чегүү, алкоголь ойготушу мүмкүн. Ал планетага кеңири жайылгандыктан аны менен жаныбарлар дагы, канаттуулар дагы, ал гана эмес балырлар дагы ооруйт. Бирок, герпес эч качан жаныбарлардан адамдарга жукпайт. Ал маймылдардан гана жугушу ыктымал. Вирус достук же туугандык өбүшүү аркылуу жугушу мүмкүн. Балдардын көпчүлүгү дал ушундай жолдор менен жуктуруп алышат.

ДАРЫЛОО
Герпес алгач пайда болоо-ру менен дарыгерлер "Зовиракс" майын сыйпоону сунушташат. Катуу оорута турган болсо аспирин же парацетамол таблеткалары сунушталат.
*
Элдик ыкма боюнча жаңы эле ширеси сыгылган лимон керек болот. Аны сайгылашкан, кычышкан жерлерге сыйпайт.
*
Вирус жайылган жерлерди оору башталган пихта же чай дарагынын майы менен майлайт. Бирок, дары каражатынын кичине эле тамчысын тамчылатуу керек, антпесе анын тегерегиндеги тери күйүп калат.
*Пайда болгон герпести салицилка кислотасы менен майлайт. Ага пахта таякчасын малып алып, жабыркаган жерге мүмкүн болушунча тез-тезден коюп турат. Бирок, бул жерден дагы тегерегиндеги терини күйгүзүп алуудан этиятташ керек.

[Farmka]

asiklovir,zoviraks,gerpes stop d.n mazdardy koiso b.t

[azamat1992kg]

Азыркы убакта менин ээгиме герпес чыгып алды. Негизи иммунитет алсыз болгондо чыгаары чын экен. Меники 2 эле жериме чыга берет. Ушул нерседен кутула албай койдум. Чыкканда суу тийгизсе, ысык жана суук жерде болгонго, таттуу жегенге болбойт болуш керек. Мен ацекловир мазь таблеткасы менен анан герпивир деген мазды колдоном.

Билдирүүнү түзөткөн: azamat1992kg: 07 Март 2015 - 09:41

[Aydemi01]

Асцикловир дегенди суйкой берсе кетет экен.

[vema_87kg]

Менимче катуу чоочуганда, катуу коркондо,кышында катуу грипп болуп,айыга баштаганда кобунчо учук чыгат,мурундун ылдый жагына,ооздун айлана тегерегине чыгат.мага да кышында коп чыккандыктан кетириштин эн оной жолун таап алдым.Кадимки терезедеги шуудурумду 2-3 жолу сыйпаганда сен кор,мен кор озунон озу жок болот,так да калбайт.

Билдирүүнү түзөткөн: vema_87kg: 08 Март 2015 - 23:15

[shazi]

Кудайга шугур коп жылдан бери чыкпайт болчу, жакында эрте менен турсам чон болуп учук чыгып алыптыр, коркподум эле, суук да болгон эмес, ооруганда эмесмин, азвр окусам стресстен да болушу мумкун экен. Бирок мен эч нерсе кылган жокмун озу кетет деп эле, кундор кунго айыгып жатат.